Nunu燒 (Closed)

日本菜深得港人歡心，我都唔例外。日本菜的精髓，當然是魚生，而我特別喜愛魚生丼。今日約左朋友中環蘭桂芳食飯，去左和安里既一間以淺木為裝潢且富日本風的串燒居酒屋Nunu燒 。Nunu 燒舖面雖然唔大，但亦有bar 枱、餐枱、仲有房添。店內約九成食材來自日本，Menu亦貴精不貴多。丼飯我嗌左海膽魚生丼，裏面幾款魚刺身都好新鮮，海膽亦極為驚喜，十分鮮甜，忍唔住一啖食哂，鮮甜味係口內翻滾。朋友叫左六貫壽司烏冬定食，仲附有有味僧湯，沙律，前菜，同糯米糍，抵食。我地仲加$20 要左個香芋丸子，丸子熱辣辣，芋蓉香噴噴。個熱薑蜜都有驚喜，潤喉暖身。