Video
Read full review
2023-07-13
7464 views
klook 週日至週四自助晚餐 $550 🥩肉類 (9/10)海南雞同埋豉油雞雞肉好嫩滑，好有雞味，好食！牛扒燒到三成熟，肉質好滑有牛味有肉兴唔，仲要係厚切，羊架都好香，羊味香濃，一樣都係肉質好嫩滑，完全就係出邊食幾百蚊一舊嗰啲質素！豬肉都好嫩滑有肉汁，不過比起羊肉同牛肉豬肉就冇咁出色啦， encore左三次就知有幾好食啦😆🦞冷盤海鮮 (8/10)蝦好爽口，鮮甜，青口好厚身，肉質唔腥，又有海水味，螺肉都好爽口，麵包蟹膏OK肉就一般，蟹腳非常鮮甜，有海水鹹香！龍蝦就一般。🍫朱古力 (8/10)檸檬條勁香檸檬味有朱古力回甘，酒心朱古力超香酒味，好似飲咗啖酒咁，有淡淡的薄荷味，香檳味比較淡。🍰蛋糕 (10/10)撻皮輕盈，有淡淡的牛油香，檸檬靜香酸酸地，幾好食，曲奇鬆化都有牛油香味，蘋果金寶冇咩蘋果味，朱古力慕絲蛋糕好香濃朱古力味，質感細滑又回甘，芝士蛋糕上面係一層酸忌廉，質感好細滑軟身，芝士味超級香濃。Tiramisu好好食，忌廉好香濃，質感細滑又有酒味。🍦自家製雪糕 (8/10)士多啤梨雪糕食得出係新鮮士多啤梨整，非常香濃，酸酸地好開胃，介乎雪杷雪糕之間質感，曲奇雪糕，真係好濃嘅Oreo
klook 週日至週四自助晚餐 $550
🥩肉類 (9/10)
海南雞同埋豉油雞雞肉好嫩滑，好有雞味，好食！牛扒燒到三成熟，肉質好滑有牛味有肉兴唔，仲要係厚切，羊架都好香，羊味香濃，一樣都係肉質好嫩滑，完全就係出邊食幾百蚊一舊嗰啲質素！豬肉都好嫩滑有肉汁，不過比起羊肉同牛肉豬肉就冇咁出色啦， encore左三次就知有幾好食啦😆
🦞冷盤海鮮 (8/10)
蝦好爽口，鮮甜，青口好厚身，肉質唔腥，又有海水味，螺肉都好爽口，麵包蟹膏OK肉就一般，蟹腳非常鮮甜，有海水鹹香！龍蝦就一般。
🍫朱古力 (8/10)
檸檬條勁香檸檬味有朱古力回甘，酒心朱古力超香酒味，好似飲咗啖酒咁，有淡淡的薄荷味，香檳味比較淡。
🍰蛋糕 (10/10)
撻皮輕盈，有淡淡的牛油香，檸檬靜香酸酸地，幾好食，曲奇鬆化都有牛油香味，蘋果金寶冇咩蘋果味，朱古力慕絲蛋糕好香濃朱古力味，質感細滑又回甘，芝士蛋糕上面係一層酸忌廉，質感好細滑軟身，芝士味超級香濃。Tiramisu好好食，忌廉好香濃，質感細滑又有酒味。
🍦自家製雪糕 (8/10)
士多啤梨雪糕食得出係新鮮士多啤梨整，非常香濃，酸酸地好開胃，介乎雪杷雪糕之間質感，曲奇雪糕，真係好濃嘅Oreo味！佛手柑非常酸，在了。乳酪雪糕，唔知點解好重奶味，好香，可可豆好重可可味，但唔係朱古力係好純粹嘅原材料味。
☕️咖啡 (7/10)
正常，幾香咖啡味唔苦。
推薦指數: 9/10
好耐冇食過咁好食嘅自助餐，差唔多每一樣嘢都好食，特別推介肉類同埋甜品！雖然環境比較窄，但係服務好好，嘢食都真係好食，真心推介！
Post
