Video
Read full review
2024-10-28
267 views
AOAO 係一間位於中環嘅日式 Fusion 餐廳，交通非常方便，由中環地鐵站 D2 出口行兩分鐘就到。餐廳嘅裝潢相當有格調，啲燈光偏向昏暗，營造出一個休閒但高級嘅用餐環境！佢分為室內同室外座位，個人覺得無論坐邊度都好舒服。我哋今日試咗佢幾道菜，真係每一道都好出色。首先，頭盤係用赤貝包住蘆筍，口感非常爽口，赤貝非常新鮮，食落去有一陣海洋嘅鮮味。另一道沙律用咗切絲嘅萵筍，加上三文魚子，配搭鰹魚汁，入口爽脆，鮮味即刻喺口腔爆發。焦糖南瓜亦都非常有驚喜，外層焦糖脆脆嘅，而內裡嘅南瓜軟腍，食落有啲似拔絲嘅口感。主菜方面，我哋叫咗炭燒鰻魚，鰻魚肉質好彈牙，職員仲會喺你面前燒鰻魚表面，令到鰻魚有陣燒炭嘅香味，焦脆嘅口感特別吸引。最後試咗 A4 和牛三文治，用咗黑炭麵包包住炸得酥脆嘅 A4 和牛，外脆內軟，牛肉啲油脂同鮮味完全滲出嚟，感覺非常滿足！最後甜品係紅豆大福同埋芝士蛋糕。紅豆大福口感好軟糯，紅豆亦都好軟綿綿同香甜。芝士蛋糕亦都分上兩層，濃香嘅口感。飲品方面，我哋叫咗兩杯 Cocktail，一杯 L’incompatable，用 whiskey 打底，加入伯爵茶同提子汁，帶有清爽提子嘅甜味；另
我哋今日試咗佢幾道菜，真係每一道都好出色。首先，頭盤係用赤貝包住蘆筍，口感非常爽口，赤貝非常新鮮，食落去有一陣海洋嘅鮮味。另一道沙律用咗切絲嘅萵筍，加上三文魚子，配搭鰹魚汁，入口爽脆，鮮味即刻喺口腔爆發。
焦糖南瓜亦都非常有驚喜，外層焦糖脆脆嘅，而內裡嘅南瓜軟腍，食落有啲似拔絲嘅口感。主菜方面，我哋叫咗炭燒鰻魚，鰻魚肉質好彈牙，職員仲會喺你面前燒鰻魚表面，令到鰻魚有陣燒炭嘅香味，焦脆嘅口感特別吸引。
最後試咗 A4 和牛三文治，用咗黑炭麵包包住炸得酥脆嘅 A4 和牛，外脆內軟，牛肉啲油脂同鮮味完全滲出嚟，感覺非常滿足！
最後甜品係紅豆大福同埋芝士蛋糕。紅豆大福口感好軟糯，紅豆亦都好軟綿綿同香甜。芝士蛋糕亦都分上兩層，濃香嘅口感。
飲品方面，我哋叫咗兩杯 Cocktail，一杯 L’incompatable，用 whiskey 打底，加入伯爵茶同提子汁，帶有清爽提子嘅甜味；另一杯係 Blooming Beauty，用 sake 打底，加入蘋果味，酸酸甜甜，十分清新。
Post
