Video
Read full review
2023-04-20
2277 views
自己去過老撾當地，但都唔清楚佢哋有咩特色菜🙈見中環有呢間老撾餐廳，鍾意試特別嘢嘅我決定試吓上到去成個餐廳好有異國風情😍用上民族feel裝飾，顏色鮮艷七彩繽紛Menu選擇非常豐富，有啲泰式又有啲越式，畢竟老撾好近泰國▶️ 雜錦海鮮撈粉 ($88)類似越式撈檬，幼身米粉撈埋紅蘿蔔絲同青瓜粒，配上唔同種類嘅「海鮮」撈粉醬汁溝咗魚露同青檸汁，食落酸酸甜甜好開胃不過因為餐廳預先已經幫你落好醬汁，冇得自己調校，所以食到尾有啲太酸🙈佢嘅粉同一般檬粉有少許唔同，比較似米粉，食落爽彈啲唯一係麵偏短，食到尾有啲難夾，要用匙羹食加入紅蘿蔔絲、青瓜粒同豆角粒令質感豐富啲🥒「海鮮」同我想像嘅海鮮有啲出入😂呢度有花芝丸、炸魚餅、兩隻蝦、大量脆肉鯇魚蝦係要剝殼嘅🦐肉質唔錯🐟脆肉鯇切得好薄，冇一般脆肉鯇咁爽脆，不過味道新鮮只係間唔時覺得有啲位未好熟 (有啲透明？)同埋有細骨，要食得好小心除咗撈粉醬汁之外，亦落咗唔少炸蒜頭同香葉黎增加味道▶️ 白咖哩雞肉見求 ($78)真正值得叫係呢個「見求」系列❗️有白咖喱、紅咖喱、黃咖喱三款醬，可以按自己接受到嘅辣度選擇睇相以為係紅米飯，點知原來口感似糯米飯，偏黏身(但又未至於粢飯或者糭
見中環有呢間老撾餐廳，鍾意試特別嘢嘅我決定試吓
上到去成個餐廳好有異國風情😍用上民族feel裝飾，顏色鮮艷七彩繽紛
Menu選擇非常豐富，有啲泰式又有啲越式，畢竟老撾好近泰國
▶️ 雜錦海鮮撈粉 ($88)
類似越式撈檬，幼身米粉撈埋紅蘿蔔絲同青瓜粒，配上唔同種類嘅「海鮮」
雜錦海鮮撈粉
$88
65 views
0 likes
0 comments
撈粉醬汁溝咗魚露同青檸汁，食落酸酸甜甜好開胃
不過因為餐廳預先已經幫你落好醬汁，冇得自己調校，所以食到尾有啲太酸🙈
佢嘅粉同一般檬粉有少許唔同，比較似米粉，食落爽彈啲
唯一係麵偏短，食到尾有啲難夾，要用匙羹食
加入紅蘿蔔絲、青瓜粒同豆角粒令質感豐富啲🥒
「海鮮」同我想像嘅海鮮有啲出入😂呢度有花芝丸、炸魚餅、兩隻蝦、大量脆肉鯇魚
蝦係要剝殼嘅🦐肉質唔錯
🐟脆肉鯇切得好薄，冇一般脆肉鯇咁爽脆，不過味道新鮮
只係間唔時覺得有啲位未好熟 (有啲透明？)同埋有細骨，要食得好小心
除咗撈粉醬汁之外，亦落咗唔少炸蒜頭同香葉黎增加味道
▶️ 白咖哩雞肉見求 ($78)
真正值得叫係呢個「見求」系列❗️
有白咖喱、紅咖喱、黃咖喱三款醬，可以按自己接受到嘅辣度選擇
睇相以為係紅米飯，點知原來口感似糯米飯，偏黏身(但又未至於粢飯或者糭嗰種黏)🍚
溝咗紫米所以更有咬口(有啲似泰式芒果糯米飯黑糯米嗰隻)口感好得意😋唔係悶悶嘅白飯
白咖喱完全唔辣亦冇咖喱味，反而似忌廉白汁，配見求飯好食👍🏻
🐔雞肉連皮，味道似白切雞，肉質正常唔特別多肉
旁邊有薯角🥔似脆皮薯仔，炸得好乾身唔熱氣
另外仲有茄子同車厘茄做伴菜
白咖哩雞肉見求
$78
54 views
0 likes
0 comments
▶️ 熱青檸水
跟餐飲品，味道酸過正常檸檬水🤪
-
整體食物唔錯，調味豐富，有特色
超級推介大家試佢個咖喱見求飯✨
環境舒服，座位好闊綽，仲有啲去咗泰國嘅feel
服務超好，啲員工(或者係老闆同老闆娘親手做？)好友善，叫我哋兩個人坐四人枱唔洗咁迫，然後上菜又快，落完單轉個頭就上
價錢方面可能貴過一般越南餐廳少少，加上佢嘅份量唔算大，男士可能唔夠食
不過考慮到佢身處中環區🤥又係特色小菜，香港地難生存 (可能係香港唯一一間老撾餐廳添)都可以理解
中環區唔使$100包飲品冇加一已經可以叫抵食
我哋兩點嚟到，成間餐廳得我哋一枱，覺得好可惜，可能唔係好多人知道有呢間餐廳😢但睇得出老闆們好用心做，希望有更加多人認識呢度嚟幫襯啦！
Post
