Video
Read full review
2023-01-19
848 views
中環異國風情神秘秘魯菜初體驗🇵🇪ICHU📍中環皇后大道中80號H Queen's 3樓「手會鬆燈會滅有限期，為何未能讓我死去便要認識你 」#黑暗中漫舞 #陳奕迅一向都鐘意嚐試新野，前排成班朋友話要慶祝生日，要搞搞新意思，唔食平時食開嘅，於是就有人提出咗要嚟試一試中環嘅秘魯菜。餐廳佈置得好貼合南美風格，燈光昏暗之下各種熱帶雨林嘅佈置令人彷忽走入神秘國度，用餐環境幾特別。-前菜🥗-Taco de Chancho🌮 4.2/5⭐️上枱擺盤色彩繽紛，賣相非常吸睛，彩色瓷器盛載兩份灰色軟身Taco餅皮，包住慢煮豬頸肉同埋少少蔬菜同醬汁咁，食落酸中帶微辣，幾開胃。-Ceviche Mixto 4.1/5⭐️又係一道令人賞心悅目嘅前菜，多種海鮮三文魚，帶子，八爪魚等切粒堆砌成撻形，中間鮮黃色嘅秘魯辣椒醬具有畫龍點睛嘅效果，撈勻之後一齊入口層次感好豐富，海鮮粒嘅咬口再加上酸汁同辣醬配搭，味道新奇有趣。-主菜🍝-Bistec Argentino 4.2/5⭐️餐廳選用阿根廷肉眼扒，擺盤好有原始風格，火喉控制得唔錯，外焦內嫩，而醬汁方面亦都好特別，係類似泰式海鮮汁，咸鮮得嚟又有薄荷葉嘅香氣，係一個令人幾驚喜嘅
ICHU
📍中環皇后大道中80號H Queen's 3樓
「手會鬆燈會滅有限期，為何未能讓我死去便要認識你 」
#黑暗中漫舞 #陳奕迅
一向都鐘意嚐試新野，前排成班朋友話要慶祝生日，要搞搞新意思，唔食平時食開嘅，於是就有人提出咗要嚟試一試中環嘅秘魯菜。餐廳佈置得好貼合南美風格，燈光昏暗之下各種熱帶雨林嘅佈置令人彷忽走入神秘國度，用餐環境幾特別。
-前菜🥗
-Taco de Chancho🌮 4.2/5⭐️
上枱擺盤色彩繽紛，賣相非常吸睛，彩色瓷器盛載兩份灰色軟身Taco餅皮，包住慢煮豬頸肉同埋少少蔬菜同醬汁咁，食落酸中帶微辣，幾開胃。
Taco de Chancho
41 views
1 likes
0 comments
-Ceviche Mixto 4.1/5⭐️
又係一道令人賞心悅目嘅前菜，多種海鮮三文魚，帶子，八爪魚等切粒堆砌成撻形，中間鮮黃色嘅秘魯辣椒醬具有畫龍點睛嘅效果，撈勻之後一齊入口層次感好豐富，海鮮粒嘅咬口再加上酸汁同辣醬配搭，味道新奇有趣。
Ceviche Mixto
39 views
0 likes
0 comments
-主菜🍝
-Bistec Argentino 4.2/5⭐️
餐廳選用阿根廷肉眼扒，擺盤好有原始風格，火喉控制得唔錯，外焦內嫩，而醬汁方面亦都好特別，係類似泰式海鮮汁，咸鮮得嚟又有薄荷葉嘅香氣，係一個令人幾驚喜嘅配搭。
Bistec Argentino
39 views
1 likes
0 comments
-Tatarin De Mar 4.25/5⭐️
再嚟一道顏色鮮豔嘅墨魚汁海鮮扁意粉，材料豐富，每碟都有蟹鉗，蝦肉，青口，龍蝦肉等，意粉係我鍾意彈牙爽口質感，不過醬汁偏咸咗少少，稍稍扣分。
Tatarin De Mar
33 views
0 likes
0 comments
-甜品🍮
-Chef Dessert Selection 4.1/5⭐️
賣相亦都好新奇，好有民族風，上面係灑咗玉桂粉嘅Cream，再底下係雲呢拿雪糕咁，撈勻一齊食唔錯，但味道上無乜驚喜。
-飲品🍸
-Chicha Morada 4.25/5⭐️
依杯係秘魯嘅特色飲品，由當地紫色粟米提練而成，飲落酸酸甜甜兼帶少少玉桂香，係第一次試到嘅味道，唔錯。
Chicha Morada
32 views
0 likes
0 comments
總結:餐廳主打南美州菜系，第一次試唔太識評論，大部分菜式都顏色繽紛，而且醬汁方面多數以酸辣為主，但就用餐體驗嚟講都唔錯，而且餐廳裝修佈置打燈亦都吸引，不過當晚發現餐廳衛生麻麻，用餐中途發現有小強出現，最後要換枱先解決。另外今餐係朋友請客，就無留意到食物價錢，無論如何，今次都係一個新奇有趣嘅體驗。
====
Post
