Grand Majestic Sichuan

Open Now

Now Closed

食物：好老實講，係正常唔差。但未去到好好食，相比起好多出面平民地道川菜，仲差幾皮。佢包裝得非常冠冕堂皇但實質上做唔到傳統好惹味既川菜，辣係辣但又唔夠麻既感覺，有一種係鬼佬川菜既感覺，唔係做local market。overall味道絕對係合格的，但唔好expect黎食到令人回味既川菜。另外，因為好多都係辣既野食，建議餐牌提番邊啲item係辣，同俾人選擇辣度，有啲野辣到我完全食唔到價錢：係遮打大廈加上米芝蓮餐廳包圍住既fine dine, 價錢絕對唔算貴。人均不到500。服務：black sheep旗下服務一定有保證，員工都係好隨和友善，送左好多酒比我地飲，又有大合唱生日歌，淨係食服務同環境都抵晒。環境：都係果句blacksheep旗下環境有保證，見到網上一大堆港女打卡紅色疏化，真心坐得好舒服又闊落，另設酒吧lounge area成件事做到中西合璧。洗手間設備好friendly, 除左aesop系列洗手、消毒、護手霜，棉花棒、洗面甚至hair spay一應俱全，誇張過去酒店。Overall: 即使食物唔係非常之高分，但overall其他野係值得我會推薦比人去一試既餐廳。