Coffee Central By Coffee Exchange (Closed)

突然被召要一早到中環總部開會。雖貴為白領麗人，但一D都唔中意中環，返工要迫地鐵，迫隧巴，連辦公室電梯都要迫。今早個會唔早唔遲，時間好怪。唔想太早到，因我個位唔係係呢度，早到冇位坐。但又唔可以遲到。唯有係中環公司樓下揾間咖啡室坐下。但如果俾人見到以為我蛇王就弊傢伙。好彩，我知有呢間咖啡店，佢係我的中環秘密基地。佢係一間地庫，門口得到牌，好唔覺眼。但落到去，內裡好寬敞，環境好舒服。叫咗個輕食早餐，有少少沙律，滑蛋，牛角包及最重要的咖啡！沙律好新鲜，蛋都好滑。不過冇味而枱上又有salt and pepper，差少少。牛角包，就真心冇驚喜，唔熱唔脆。好在有杯咖啡搶番D分數。