Video
Read full review
2021-04-25
228 views
為咗嗜辣嘅老公今次試吓呢間位於中環主打點心、酸菜魚既新店。 雖說點心店，不過無茶芥收費，所以我地都另外點飲品。彷如香水樽既解辣冷泡茶冷泡蜜香鳳凰烏龍茶，蜜味突出，醇厚滋味，回甘持久蜜桃烏龍茶，清幽果香，味精淡雅招牌酸菜魚賣相經已令人心動既酸菜魚，店家創意地打造躍動出水神態之餘，白皙魚片肉更係精心排列，兩旁添加大量鮮色香菜泡椒配料，湯汁金黃香濃入口酸酸辣辣幾醒胃，真係色香味俱存。辣度可依個人口味作出大中小調製，兩口子點個小份就最合適啦！魚肉切片經巳去掉大部分骨骼非常易食，一大片入口特別鮮滑美味。餘下的主幹骨到魚首尾都經油泡炸香處理，浸泡在湯汁之久，感覺依然帶脆兼香口。鍋底的水晶粉條，連湯伴酸菜芽菜食最能享受箇中精華。麻辣燒賣一口燒賣帶領舌尖川粵飲食風情，粵式點心燒賣加埋川味麻辣紅油尤其絕配。注滿辣油既膠囊插入燒賣內層，乾淨又有創意。份量落多落少視乎個人對追求辣的喜好度而定，均分注入3粒燒賣肉就perfect。入口不單純帶出辛，辣的主調背後更加突顯蝦肉既鮮香嫩滑感。尖椒四川皮蛋呢款皮蛋呈黃金色，選用天然草木灰醃製而非石灰。四瓣切開而成，金黃既蛋白位晶瑩透亮彈滑，而蛋黃部分則溏心香滑。配上剁
雖說點心店，不過無茶芥收費，所以我地都另外點飲品。
彷如香水樽既解辣冷泡茶
冷泡蜜香鳳凰烏龍茶，蜜味突出，醇厚滋味，回甘持久
蜜桃烏龍茶，清幽果香，味精淡雅
招牌酸菜魚
賣相經已令人心動既酸菜魚，店家創意地打造躍動出水神態之餘，白皙魚片肉更係精心排列，兩旁添加大量鮮色香菜泡椒配料，湯汁金黃香濃入口酸酸辣辣幾醒胃，真係色香味俱存。
辣度可依個人口味作出大中小調製，兩口子點個小份就最合適啦！魚肉切片經巳去掉大部分骨骼非常易食，一大片入口特別鮮滑美味。餘下的主幹骨到魚首尾都經油泡炸香處理，浸泡在湯汁之久，感覺依然帶脆兼香口。鍋底的水晶粉條，連湯伴酸菜芽菜食最能享受箇中精華。
麻辣燒賣
一口燒賣帶領舌尖川粵飲食風情，粵式點心燒賣加埋川味麻辣紅油尤其絕配。注滿辣油既膠囊插入燒賣內層，乾淨又有創意。份量落多落少視乎個人對追求辣的喜好度而定，均分注入3粒燒賣肉就perfect。入口不單純帶出辛，辣的主調背後更加突顯蝦肉既鮮香嫩滑感。
尖椒四川皮蛋
呢款皮蛋呈黃金色，選用天然草木灰醃製而非石灰。
四瓣切開而成，金黃既蛋白位晶瑩透亮彈滑，而蛋黃部分則溏心香滑。配上剁粒的爽口青嫩虎皮尖椒，皮蛋外圍慢慢吸收紅油醋汁後，味道柔辣之中帶甘香。
香辣蝦多士
一客兩件小食真滋味，將蝦身蜷曲跟辣汁麵包油炸合體。蝦多士外層變得金黃漲卜卜，大件夠厚身，一啖咬開有層次效果超鬆化，蝦肉部分爽彈鮮甜，食後仲有絲絲香辣感非常開胃。
麻香豆腐血旺
質感滑嘟嘟既豬紅，豆腐Q彈唔易散，最岩作為辣煮香口小菜之選。進食前，先反覆地係超濃郁既花椒紅油醬汁裡拖曳幾下掛汁，再連幾根清香苟菜豆芽一齊食，輕嚼經已有爆汁效果，沾上又香又麻既紅油血豆腐急速誘發舌尖味蕾動彈，一股血脈沸騰反應隨之而來，燙口感十足。
Post
