點.魚 (Closed)

收工落大雨又唔知食咩好 行過見到人唔多就走入去試下 而家中環好似多咗一啲辣嘅嘢食選擇👏🏻👏🏻很好很好🎉 坐低首先叫咗支啤酒🍻幾好飲喎！之後叫咗個香辣蝦多士 麻辣小餡餅 招牌酸菜魚🤭其實仲有其他嘢都想食但礙於只有兩個人食😮‍💨😮‍💨蝦多士新鮮熱辣而且粒蝦幾彈牙好食😋麻辣小餡餅🥙一般 招牌酸菜魚味道可以濃啲同再辣小小 欣賞係佢個魚骨有炸過 所以食起黎比較香口 入面都有啲配菜 份量足夠兩個人食 總括來講都可以一試👏🏻👏🏻

今日去食個late lunch，＄78 青花椒酸菜魚配刀削麵，還有小點心。份量頗多，很足料。魚很滑溜，湯底濃郁，刀削麵新鮮煙韌。豆腐卜有質感。我喜歡吃辣，但不能太辣，這個剛好，很喜歡它的麻香。店不大，menu也很簡單，想不到有驚喜。

🐟🥘點.魚 喺中環返工嘅你，唔知有冇試過呢間酸菜魚呢！🐟青花椒酸菜魚 $86呢款酸菜魚比起坊間嘅酸菜魚有少少唔同😆佢酸味唔算好濃，但麻味好重！如果鍾意重麻味嘅你，就一定要試下啦😋 如果鍾意重酸味嘅你，可以試吓佢另一款嘅老壇酸菜魚同行朋友叫咗老壇酸菜魚，味道的確比較酸，麻味較輕！📝今餐總結味道唔錯、配料都非常充足！價錢黎講係中環lunch亦都唔貴😍地方唔算好大，大概20個位左右如果喺中環返工、又鍾意食酸菜魚嘅你，可以一試！😆#點魚點.魚 (中環)中環威靈頓街73號地舖環境：💛💛💛💛味道：💛💛💛💛價錢：💛💛💛💛 (五個心為滿分)

嚟到中環區總會發現驚喜嘅嘢！咪睇小小店細細地，淨係容得下五枱客，但食物質素卻意想不到地好。佢係用QR code方法落單，以為麻辣、酸辣有得較辣度，但係原來佢得一種固定嘅辣度。而我哋今次嗌咗酸菜魚響鈴金菇刀削麵，同埋麻辣安格斯牛肉響鈴豆腐米線，仲有兩樽茶添！佢嗰個套餐連埋一啲小菜：萵筍及晶瑩剔透薄皮餃子。主食嘅配菜滿佈晒成個碗咁滯，口感好豐富得來亦都好香。如果怕辣嘅朋友，可以一邊食麵底，一邊食萵筍，解辣一流。但我略嫌兩枝茶唔夠香濃味，少少遜色於餐廳嘅主食。環境都算清幽，似係一啲新一代嘅潮食館配上傳統中華美食，感覺都幾fusion！

#點魚 一間平民價錢食出高質素的川菜，午餐相當唔錯，$70-80 一個set ,而且大大份，好飽！而且麻辣點心也要點，好特別啊😉🔹酸菜魚湯配刀削麵，可免費配兩款配料，我點了響鈴加菜，午餐亦連义燒包和醃青瓜一份，先講义燒包，味道不錯而且义燒唔會好肥，唔錯啊！酸菜魚不會油膩，用上青辣椒加酸菜，成個口感很清新，只可形容是清新鮮味的酸菜魚，真心必點👍🏼👍🏼點．魚地址：中環威靈頓街73號電話：2877 9111

好味呀！主打酸菜魚，但我冇叫魚，要左安格斯牛，加埋青花椒，所以係麻酸辣樣樣齊。辣味default 係少辣，但係個麻味超勁，我食完成個嘴都麻晒。每個餸都可揀跟麵或飯，跟麵仲可以揀兩個配菜，成碗嘅用料都好足。另外lunch跟兩個前菜，個抄手就一般，好甜，但係個蓮藕片出乎意料咁食喎！唔食得辣嘅可以揀濃雞湯底，試左朋友嘅雞湯，都好唔錯！呢到絕對係中環100蚊樓下lunch嘅好選擇，鍾諗食川菜嘅朋友都不妨一試，我會再幫襯

抵食嘅川菜 lunch應該仲抵!!作為一個唔太鍾意食重覆餐廳嘅人 但我兩個星期內已經去咗兩次/🤍二人晚餐($328)包括兩件小食+兩款前菜(涼菜)+一款主菜(跟飯/麵)+一款小菜+兩款甜品+兩枝冷泡茶🤍香辣蝦多士 | Rating: 7/10食唔到辣😂單純地炸得幾唔錯🤍麻辣小餡餅 | Rating: 7.5/10麻辣肉餡好惹味 有少少肉汁🤍酸菜枝竹 | Rating: 7/10開胃得嚟仲幾特別😂好少見到嘅涼菜款式🤍四川尖椒皮蛋 | Rating: 6/10個汁太甜同唔夠香🥲雖然幾欣賞佢係用溏心皮蛋🤍青花椒酸安格斯牛 | Rating: 8.5/10舖名有個魚字本身諗緊係咪嗌魚會好啲最後想食牛 好彩冇令我失望入面有豆卜 水晶粉 雲耳 芽菜等等牛肉嫩口 喺濃湯之下都仲食到肉味湯底好香 用上麻味最重嘅青花椒比起用普通花椒/藤椒更加令人過癮🤍刀削麵(+$10) | Rating: 7/10本身以為係就咁比兜冇湯嘅麵我撈落酸湯到食點知係一碗浸住真雞湯嘅麵 冇錯 飲得出唔係hea我嘅味精湯算係餐飯嘅小小驚喜🤍螞蟻上樹 | Rating: 7.5/10四川傳統名菜之一 淨計味道有8分 極重口味 但用

今日諗住去坪洲半日遊食個飯hea 吓，點知miss 咗班船，咁唯有食埋lunch 先入去啦！😅 因為我哋完全無準備過喺中環食，經過呢間朋友係話新開，就入咗去試喇🙆🏻‍♀️呢度點餐同睇餐牌都係scan QR code 嘅，又唔洗掂個個都掂過嘅餐牌同唔洗同職員對話，感覺都衛生啲！😉午市套餐都幾多選擇，有點心，午飯，藥膳等，但嘢飲要散叫。❤️ 台灣藥膳系列 - 白菜豬肉餃$69湯底係藥膳養生湯配刀削麵，另外再自選兩個配菜-8選2，揀咗金針菇同響鈴💁🏻‍♀️刀削麵同平時食嗰啲唔同，呢度係再厚身啲同好長嘅麵條，口感煙韌，煮得啱啱好👌🏻 至於個湯底藥膳味欠奉，但都好飲嘅！白菜豬肉餃有5粒，皮夠薄，餡都算足料好飽滿，食到啖啖肉！自選嘅金菇同響鈴就同平時一樣唔特別評論啦！😬 另外佢仲送咗兩個小食，芽菜同埋麻辣燒賣，以中環地段一個餐有咁多嘢食價錢都算合理。我哋仲叫咗兩個點心🙆🏻‍♀️❤️ 麻辣香菇包 $32個樣整到好似香菇咁好得意！咬開入面係麻辣嘅菜餡，對於唔太食辣嘅我覺得真係幾辣但又好惹味喎！😙❤️ 溫室豆苗蝦餃 $36都係呢啲溫和嘅點心比較適合我！水準同酒樓食嘅差唔多，都ok！😎因為天氣熱又食辣野，我哋最後一人

中環lunch 搵食艱難，因為全世界都係果段時間放飯，多人，而且中環餐廳的價錢不便宜，想要平平地坐下的選擇不多，除了茶餐廳及快餐外，普普通通的可以坐低的都80起跳，但黎黎去去都係果幾間，食到悶，所以不斷開拓新的餐廳。今次係威靈頓街上遇到新餐廳-點.魚，餐廳細細（典型中環小店格局），餐廳主打川菜，午餐時段有set, 選擇算多，還可以加配冷泡茶，今次就點了酸菜魚米線（小辣），酸並不是太酸，但於我是真的辣，邊吃邊流汗（幸好加配了冷泡茶😜），魚肉也滑，不腥，還有其他配菜也很入味，不錯，以後吃午餐就多了一個選擇。

Place:  simple and cozy with modern looking decorationsService:  very attentive staff.  Great service!Food:  Simple menu but all the dishes we tasted were fantastic!  We tried the set dinner for two which comes with appetisers, small bites, a main dish,a side dish, rice or noodle, and dessert!  Appetisers such as prawn toasts and pan fried stuffed pancake were flavourful.  For main dish, we tried the signature fish fillet in pickled vegetable soup.  It came in a huge bowl with a whole seabass!  

雖則係假日，但都差唔多八點半先到，所以唔駛等位就直入😅呢度既晚市套餐有分一人、二人、四人，不過怕叫二人餐太多野會趕唔切食，最後都係簡單要一人既算🤤▪️ 晚市套餐 - 一人餐（7/10）💲981️⃣ 香辣蝦多士（7.5/10）呢個有驚喜，炸得好香口，食到有彈牙蝦漿，辣就唔係好覺，不過始終都係會有點油膩🙈2️⃣ 紅油大豆芽（7/10）3️⃣ 招牌水煮牛（7.5/10）配刀削麵 💲+10一開始食覺得辣度一般，但原來隻麻好勁，食到尾嘴唇直情會震，夠曬過癮🤣牛肉片係鮮牛肉嗰種，仲有大量大豆芽同埋粗身粉絲，刀削麵係浸係底，幸好保持嚼勁無話腍身🤫4️⃣ 冷泡茶（6/10）附送既荔枝烏龍茶，飲落有荔枝味，可惜味道比較人工，對比起個茶底好搶▪️ 晚市套餐 - 一人餐（6/10）💲981️⃣ 香辣炸多士（7.5/10）2️⃣ 芥末鼠耳（6.5/10）木耳加上芥末，感覺都開胃，但個人覺得唔算好匹配，都係鍾意原始既🙈3️⃣ 招牌酸菜魚（6/10）配白飯湯底同坊間既明顯唔同，無咩我預期中既麻辣，所以唔會油膩，反而係酸味比較奇突，當中會有帶點清既蘿蔔味🤔魚片口感頗為嚡口，但就無骨既，而且魚味濃🐟本身為左佢而黎，不過個人覺得麻麻地，試一次就好了👉

叫左酸菜魚，諗住招牌菜一定唔差嗌左大辣，一啲都唔酸又唔辣，魚好腥十二味個酸菜魚野味啲唯一可以讚係刀削麵幾好，有新意！睇得有心做，可以有進步空間多啲酸菜同小米辣多謝

好想食辣野，中環無乜邊幾間揀咁啱見到依間新嘅，就試下啦我哋四個人真係唔使諗直接就叫咗個四人餐估唔到多到完全食唔晒，我哋兩男兩女大概都係食咗一半多d大食啲嘅朋友應該都可以夠食冇影到好多相不過記得前菜都係好食嘅我鍾意個滕椒萵筍，麻麻的感覺，好吃而小食係一人一舊，都ok!想提一提個水煮魚4人餐餐牌上面係冇水煮魚只有酸菜魚，但係我哋又好想食水煮魚師傅話可以整俾我哋不過結果出到嚟只係滕椒魚係真嘅魚，成條魚咁上，有骨同埋某幾舊有啲腥可能我食慣cheap cheap魚柳，腥的魚片我就麻麻地另外叫咗個毛血旺同埋辣子雞軟骨兩個都好食！順帶一提套餐係送白飯或者刀削麵我哋其中有三個人都揀咗刀削麵然後真係成大碗咁上台講真淨係食碗麵都可以飽賣單每人百幾，又勁飽，味道不錯係中環真係夫復何求

我太懶好少寫食評 唔係太差或者超好都基本上唔comment 但今次真係的起心肝要寫食評嚟讚呢間嘅服務‼️我揀左晚市一人套餐 小食可以揀蝦多士或者麻辣餡包(大概係咁嘅名) 於是我問服務員 麻辣包係咩餡 有冇蔥 佢話冇 咁我就話好(雖然最尾改變主意要番蝦多士)後尾上主菜水煮牛嘅時候 佢就話呢碗唔要蔥啱唔啱 我話係啊 但明明我嗌係冇叫走蔥 心諗點解佢會知 朋友提我先醒起服務員記住左我嗌麻辣包嘅時候問過有冇蔥 雖然好似好小事 但作為顧客覺得成件事好細心!野食方面! 蝦多士好香脆 酸菜腐皮都好開胃水煮魚夠麻 亦都好香 但如果中意比較辣嘅口味 可能要問下服務員可唔可以加辣 牛肉比得幾大方 感覺都冇加太多鬆肉粉(定係生粉?) 唔會食落滑山山 仲有芽菜雲耳同粗粉絲個餐仲有枝幾大下嘅茶走嘅時候發現佢仲幫我地摺埋擺喺遮桶嘅遮 咁貼心嘅服務 無理由唔comment讚下!總括嚟講 食物有8/10 服務就滿分!計埋加一 人均100蚊左右 值得再幫襯!

Lunch時間中環人多車多， 特別而家夏天更加唔想兩頭行， 喺外賣app look咗好耐，唔知食咩好 (因為食嚟食去都係嗰幾間)，想試吓新嘢，然後見到呢間叫點.魚既餐廰，見會錢合理，食物又幾吸引，就決定食呢間。落雨關係外賣遲咗到紅油抄手米線估唔到碗米線咁大碗，仲有兩個小食， 再加五隻抄手，中環lunch呢個價錢, 抵啦紅油抄手味道正常, 唔算辣, 外賣關係凍咗少少, 如果可以辣返啲就更加好味喇。小食木耳有驚喜，有少少washabi味同酸酸地, 正麻辣磨菇包好好食, 麻辣味够香, 如果可以多啲餡就更加好喇碗米線比想像中大碗, 餸亦够多, 湯底好味, 個底原來仲有寛粉, 食完好飽