Video
Read full review
2022-12-08
361 views
最近同朋友嚟咗呢間喺中環主打腐乳菜式嘅餐廳食lunch，菜式有新意得嚟價錢仲好親民添！🍝招牌菜式之一嘅新腐乳卡邦尼 ($98) 非常足料，用上臘腸同煙肉碎，連同蛋黃食落幾creamy，本身嘅腐乳味唔會好重，所以我哋都有聽店員嘅推介加返一磚腐乳落去，味道即時更昇華，大家可以一試！本身想試午餐嘅雜扒飯，可惜太遲去到所以好多材料都已經用矖，所以我哋就食咗雞扒飯配特濃蘑菇汁 ($68)，蘑菇汁真係有好多蘑菇，雞扒亦好juicy～小食雞軟骨特級脆餃配腐乳醬 ($68)富有鹹香，入面嘅雞軟骨增添口感，幾有驚喜！朋友就試埋飲品腐乳朱古力 ($45) ，味道就好似海鹽朱古力咁，唔會有違和感👌🏻值得一提嘅係店員會向每位客人講解每一道菜可以點加佢哋秘製嘅腐乳醬，聽得出佢哋好有心！
🍝招牌菜式之一嘅新腐乳卡邦尼 ($98) 非常足料，用上臘腸同煙肉碎，連同蛋黃食落幾creamy，本身嘅腐乳味唔會好重，所以我哋都有聽店員嘅推介加返一磚腐乳落去，味道即時更昇華，大家可以一試！
本身想試午餐嘅雜扒飯，可惜太遲去到所以好多材料都已經用矖，所以我哋就食咗雞扒飯配特濃蘑菇汁 ($68)，蘑菇汁真係有好多蘑菇，雞扒亦好juicy～小食雞軟骨特級脆餃配腐乳醬 ($68)富有鹹香，入面嘅雞軟骨增添口感，幾有驚喜！
朋友就試埋飲品腐乳朱古力 ($45) ，味道就好似海鹽朱古力咁，唔會有違和感👌🏻
值得一提嘅係店員會向每位客人講解每一道菜可以點加佢哋秘製嘅腐乳醬，聽得出佢哋好有心！
新腐乳卡邦尼
$98
35 views
0 likes
0 comments
Post
