五感日常 (Closed)

五感日常，位於中環擺花街嘅呢間蒟蒻製品專門店， 以簡潔嘅環境配上獨特嘅麵食，舒適嘅環境，喺中環擺花街嘅一個小角落，特色餐廳好去處。鹽焗手撕雞 • 湯蒟蒻麵 | $68鹽焗手撕雞份量偏多，雞肉同埋配菜一齊食，加上以每日鮮煲海螺椰子雞湯作為湯底，配搭簡單又健康，滿滿嘅雞湯精華比蒟蒻麵吸收，都幾鮮甜，蒟蒻麵口感彈牙，不妨一試。烤豬頸肉 • 撈蒟蒻麵 | $58豬頸肉薄片，烤到啱啱好唔會太燶，份量都好大碟成個小食咁，撈蒟蒻麵夏天都幾啱食，係清新輕盈之選。自家製手打蝦餅 | $58自家製手打蝦餅大大塊，煎得香脆，點少少辣醬一齊食，更加惹味。野生竹笙松茸菌湯 | $38湯上枱熱辣辣仲冒煙㗎，豐富嘅菇類，如猴頭菇，茶樹菇味道都幾好，令到呢個湯顯得好養生。五香牛腱 | $38五香牛腱滷得入味，薄切容易入口，加上少少芝麻喺面，食入口更加香。烏龍茶(桃香烏龍冷泡茶&梨山烏龍冷泡茶) (單點$18 | 跟餐$8)兩款烏龍茶茶味突出，靈山烏龍茶入口茶味香濃，而白桃烏龍茶則帶有淡淡的白桃清香，無糖口感更加健康。跟餐只需要加$8就有一支，烏龍茶大大枝，支裝好方便又抵飲，推薦✨