Video
Read full review
2023-12-16
143 views
到咗十二月全年最後嘅一個月份，食每一餐都會想食得好啲去慰勞辛苦咗一整年嘅自己，忽然想食日本菜，出開中環自然諗起喺LKF嘅 Fumi。餐廳裝修格調走日系路線，木系嘅牆身同家俱感覺幾 warm，每一枱之間都會有屏風間隔，想靜靜地同朋友傾計都幾夠 privacy。餐點方面就選擇咗和牛盛宴，一共六道菜式。A4鹿兒島和牛洋蔥沙律和牛薄片嘅生熟度剛好，做到少少烤香油份感幾重。洋蔥味冇想像中咁攻鼻，反而酸酸地味道同酸菜幾相似，開胃感十足。刺身刺身組合有鮮吞拿魚中腩，真鯛，帆立貝同甜蝦。當中拿魚中腩口感係最肥美，真鯛嘅肉質同口感都好出色。A4鹿兒島和牛肉眼柳川鍋牛肉眼嘅一人迷你鍋份量嚟講就岩岩好，和牛油份嘅香味隱約同湯底融合，當然最後係一飲而盡。A5鹿兒島和牛鐵板燒一人份量嘅燒和牛，部位係牛三角同牛肩肉。牛肩肉嘅肉香味較出，但肉質當然係牛三角更勝一籌，而且牛三角油份較多食落好香口，可惜只得四片食完總覺得意猶未盡。壽司海膽灸燒A4鹿兒島和牛西冷壽司較為出色嘅壽司，火灸過嘅牛西冷逼出咗少少油香味，同海膽嘅creamy感幾夾。A4鹿兒島和牛壽喜燒洋蔥卷以壽喜燒和牛嘅味道搭配洋蔥嘅壽司，味道尚可。果物香印提子
到咗十二月全年最後嘅一個月份，食每一餐都會想食得好啲去慰勞辛苦咗一整年嘅自己，忽然想食日本菜，出開中環自然諗起喺LKF嘅 Fumi。
餐廳裝修格調走日系路線，木系嘅牆身同家俱感覺幾 warm，每一枱之間都會有屏風間隔，想靜靜地同朋友傾計都幾夠 privacy。
餐點方面就選擇咗和牛盛宴，一共六道菜式。
A4鹿兒島和牛洋蔥沙律
和牛薄片嘅生熟度剛好，做到少少烤香油份感幾重。洋蔥味冇想像中咁攻鼻，反而酸酸地味道同酸菜幾相似，開胃感十足。
刺身
刺身組合有鮮吞拿魚中腩，真鯛，帆立貝同甜蝦。當中拿魚中腩口感係最肥美，真鯛嘅肉質同口感都好出色。
A4鹿兒島和牛肉眼柳川鍋
牛肉眼嘅一人迷你鍋份量嚟講就岩岩好，和牛油份嘅香味隱約同湯底融合，當然最後係一飲而盡。
A5鹿兒島和牛鐵板燒
一人份量嘅燒和牛，部位係牛三角同牛肩肉。牛肩肉嘅肉香味較出，但肉質當然係牛三角更勝一籌，而且牛三角油份較多食落好香口，可惜只得四片食完總覺得意猶未盡。
壽司
海膽灸燒A4鹿兒島和牛西冷壽司
較為出色嘅壽司，火灸過嘅牛西冷逼出咗少少油香味，同海膽嘅creamy感幾夾。
A4鹿兒島和牛壽喜燒洋蔥卷
以壽喜燒和牛嘅味道搭配洋蔥嘅壽司，味道尚可。
果物
香印提子同埋日本密瓜兩款水果，以清甜嘅味道作結濃味嘅和牛宴。
Post
