Video
Read full review
2025-02-13
65 views
2025年1月22日 星期三今晚同老婆係中環預約咗呢一間居酒屋食飯，因為喺網上面見到評價唔錯，都有好多人討論雖然餐廳位置唔喺大街，不過用地圖睇跟住行都算方便，而且一去到街口就見到，招牌好大個由於實在太肚餓嘅關係，我哋一口氣叫咗好多嘢食，點完菜等咗一陣，沙律就首先送到，係豆腐沙律，成碟沙律除咗生菜同豆腐之外，仲有粟米粒同蕃茄，豆腐上面加咗瑤柱絲同醬汁，撈埋一齊食酸酸地幾開胃之後有燒明太子，明太子燒完之後充滿鹹香，就咁食應該會太過鹹，所以餐廳特登喺明太子下面鋪上一塊青瓜片，食落去會比較清新同冇咁鹹跟住有唐揚炸雞，每一粒都好大嚿，咬落去外皮香脆，裏面嘅雞肉仍然好嫩滑，點埋檸檬汁一齊食感覺會冇咁油膩再嚟有雞軟骨同雞頸肉串燒，兩款都燒得好香口，特別係雞頸肉，之前從來冇食過呢個部位，估唔到燒完之後食，肉質都幾嫩呢個係免治雞肉棒，可以將生雞蛋撈勻做醬汁，同雞肉棒點埋一齊食，雞肉燒得好香，同雞蛋好夾再黎係燒雞皮，雞皮燒得勁香脆，完全唔覺得油膩，用嚟送酒一流呢個係煮牛筋，仲配有蘿蔔，舊蘿蔔入晒味，好腍，同牛筋一樣一咬開就溶化，證明真係煮咗好耐，醬汁直頭可以用嚟送白飯添然後有牛蒡片，整得幾香脆，食落去完全
今晚同老婆係中環預約咗呢一間居酒屋食飯，因為喺網上面見到評價唔錯，都有好多人討論
雖然餐廳位置唔喺大街，不過用地圖睇跟住行都算方便，而且一去到街口就見到，招牌好大個
由於實在太肚餓嘅關係，我哋一口氣叫咗好多嘢食，點完菜等咗一陣，沙律就首先送到，係豆腐沙律，成碟沙律除咗生菜同豆腐之外，仲有粟米粒同蕃茄，豆腐上面加咗瑤柱絲同醬汁，撈埋一齊食酸酸地幾開胃
之後有燒明太子，明太子燒完之後充滿鹹香，就咁食應該會太過鹹，所以餐廳特登喺明太子下面鋪上一塊青瓜片，食落去會比較清新同冇咁鹹
跟住有唐揚炸雞，每一粒都好大嚿，咬落去外皮香脆，裏面嘅雞肉仍然好嫩滑，點埋檸檬汁一齊食感覺會冇咁油膩
再嚟有雞軟骨同雞頸肉串燒，兩款都燒得好香口，特別係雞頸肉，之前從來冇食過呢個部位，估唔到燒完之後食，肉質都幾嫩
呢個係免治雞肉棒，可以將生雞蛋撈勻做醬汁，同雞肉棒點埋一齊食，雞肉燒得好香，同雞蛋好夾
再黎係燒雞皮，雞皮燒得勁香脆，完全唔覺得油膩，用嚟送酒一流
呢個係煮牛筋，仲配有蘿蔔，舊蘿蔔入晒味，好腍，同牛筋一樣一咬開就溶化，證明真係煮咗好耐，醬汁直頭可以用嚟送白飯添
然後有牛蒡片，整得幾香脆，食落去完全唔覺得油，感覺比起食薯片更加健康
呢個係汁燒蔥牛肉卷，一咬落去充滿肉汁，而且口感好豐富，食到大量嘅蔥同有濃郁嘅牛肉味，比起一般食到嘅金菇肥牛卷更加特別
最後分別有燒翠玉瓜、燒銀杏同燒秋葵，全部蔬菜燒完之後仍然保持水份，一咬落去完全唔覺得乾，特別係翠玉瓜，一咬已經爆曬汁，銀杏都唔苦
埋單每人三百幾蚊，食到勁飽！！
Post
