Video
Read full review
2020-03-19
1408 views
Follow @pigfoodiexhk for more food!🐷#pigfoodiexhk_黃店#pigfoodiexhk_cafe========📍中環隱世cafe黃店 -- Trois Cafe☕💛之前見過杜生介紹中環鐵行里嘅總店，原來位於中環中建大廈都有間分店！而且仲告緊急！老闆話佢地一開鋪就爆發疫情，生意淡薄，所以小編希望大家分散懲罰，支持一下😭💛 呢間分店嘅menu同總店有少少唔同，呢到除咗fusion三文治之外，仲有供應便當同burger，喺附近返工嘅朋友不妨去試下呀😋--------⭐日式叉燒配拖鞋包（$78）小編試咗呢個fusion包包，內餡有叉燒，蔥花，溏心蛋，車打芝士，蛋黃醬同日式燒汁🙊好豐富😋拖鞋包微微烘過，食落面頭脆脆地，麵包肉好軟熟😍叉燒好大塊，肉質軟腍🙊各種醬汁配合得宜，食落酸酸甜甜好好味😋加埋微溶嘅車打芝士，咸香十足，食到停唔到口😋食完都幾飽肚👍---------⭐白朱古力抹茶拿鐵（$45）抹茶濃郁，仲有回甘嘅味道😍latte口感順滑，但白朱古力味道就唔太飲得出🙊--------⭐檸檬撻（$58）檸檬撻賣相精緻😋檸檬吉士口感滑身，食落味道酸酸地，好
#pigfoodiexhk_黃店
#pigfoodiexhk_cafe
========
📍中環隱世cafe黃店 -- Trois Cafe☕💛
之前見過杜生介紹中環鐵行里嘅總店，原來位於中環中建大廈都有間分店！而且仲告緊急！老闆話佢地一開鋪就爆發疫情，生意淡薄，所以小編希望大家分散懲罰，支持一下😭💛 呢間分店嘅menu同總店有少少唔同，呢到除咗fusion三文治之外，仲有供應便當同burger，喺附近返工嘅朋友不妨去試下呀😋
--------
⭐日式叉燒配拖鞋包（$78）
小編試咗呢個fusion包包，內餡有叉燒，蔥花，溏心蛋，車打芝士，蛋黃醬同日式燒汁🙊好豐富😋拖鞋包微微烘過，食落面頭脆脆地，麵包肉好軟熟😍叉燒好大塊，肉質軟腍🙊各種醬汁配合得宜，食落酸酸甜甜好好味😋加埋微溶嘅車打芝士，咸香十足，食到停唔到口😋食完都幾飽肚👍
---------
⭐白朱古力抹茶拿鐵（$45）
抹茶濃郁，仲有回甘嘅味道😍latte口感順滑，但白朱古力味道就唔太飲得出🙊
--------
⭐檸檬撻（$58）
檸檬撻賣相精緻😋檸檬吉士口感滑身，食落味道酸酸地，好清新😍撻皮牛油味香濃，整體唔錯💕
--------
整體黎講食物非常可以！💛fusion包包好有新意😍餐廳環境都好chill好舒服💕店員服務又有禮貌，大家快啲去懲罰下佢啦💛
--------
餐廳資料
名稱：Trois Cafe
地址： 中環畢打街1至3號中建大廈1樓109號舖
前往方法：中環站D1出口
697 views
0 likes
0 comments
410 views
0 likes
0 comments
273 views
0 likes
0 comments
Post
