Trois Cafe

Open Now

Now Closed

印象中嘅Trois -> 色彩繽紛+打卡佈置好一陣子無見、Trois明顯靚咗又成熟咗前排好多人討論喺中環某大商場買個This This Rice 外賣要$75 仲排哂長龍🚶🏻🚶🏼‍♀️其實行過5分鐘就有間Cafe 堂食叫個Pasta 嘆埋杯咖啡都唔洗一百蚊🍝仲要張梳化舒服到唔願起身！😚🛋️🔖 Butter Clam and Crab Linguine 🍝當你以為中環幾十蚊嘅Pasta 十成九九都係欖油蒜片嗰啲「清淡」嘢實情佢有蜆有蟹絕對交足貨🦀當你又以為佢用幾十蚊氹你落搭入到去其他款一定變番「中環價」時實情係佢極之老實午市5款Pasta 5款都係幾十蚊無花無假～🔖 Latte （點Pasta +$15）又成熟、又老實、去邊度搵！

Wanted to try the Laksa Chicken Linguine, I just love linguine over spaghetti. I asked if it is spicy, and the hostess told me yes, but she can make it less spicy. Turns out, the dish is perfect! The spiciness is just right, the whole dish is so tasty 😋 It is not the kinda spicy that makes you suffer, and I finished the whole plate. The shredded chicken is very tender too. Added a mocha for $15 and it is not disappointing at all, with rich tastes of both chocolate and coffee. The linguine portio

今次同同事喺"Trois Cafe"試咗Ice Black、Ice Latte同Dirty，外賣仲有優惠，性價比相當高。首先講Ice Black，咖啡豆嘅香氣十足，入口後常見嘅堅果味道突顯，確實符合其Nutty Explosion嘅名字。Ice Latte同樣令人滿意，奶味與咖啡味道完美融合，口感順滑。Dirty更係一大亮點，濃縮咖啡同冰凍奶嘅結合，層次分明又帶出咗咖啡豆嘅獨特風味。呢次喺公司同同事嘅茶聚相當愉快，咖啡品質達標，味道又唔錯，成件事充滿享受。尤其喺discount後，價錢變得更加親民，絕對係一個好嘅選擇。總括嚟講，如果你鐘意堅果味濃厚嘅咖啡，同埋想開開心心咁同同事享受一個愉快嘅下午茶時光，"Trois Cafe"嘅咖啡絕對值得推薦，特別係享受外賣app嘅優惠時，性價比更高。

走入toris café，一道牛油果三文魚酸種吐司攞去我成個下午嘅注意力！🥑 份量夠晒慷慨，酸種麵包既扎實又帶點酸香，係每啖嚼勁中嘅小驚喜🥪。個三文魚有冇搞錯咁滑溜，同嗰牛油果簡直係天生一對，仿佛喺我口裏面跳支華爾滋。仲有啲黑椒嚟打打邊爐，吊味之餘亦喺味蕾上添點生氣。再嚟就係那個台式滷肉飯便當🍱，度滷肉香濃得嚟唔膩口，肉香與滷汁嘅均衡搭配，真係啖啖肉嘅滿足感。搭埋啲爽口滋味嘅沙律，真係解油膩又開胃！至於個花膠炆雞便當，啊媽呀，真系揾到寶！花膠厚實彈牙，啲炆雞軟淋淋嘅滋味仲喺我諗起嗰刻仲係口腔中繞梁三日。朋友話，冇想過喺呢種café食到家傳戶曉嘅好滋味，真係食指大動！咖啡就正到冇得頂，拉花靚仔到我都唔捨得攪散佢👍。咖啡香味四溢，係呢一刻嘅私人小確幸!呢間café嘅食物質素與環境都係勁正，相信唔使耐會變成我嘅常客！初嘗絕味，下次有會議定要再黎！🙌🏻😋

在中環工作的都知道，說實在很多用餐地點裝修也不會太差及較舒適，但這個位於中建大廈一個不太起眼嘅corner，沒想到食物質素及招呼超出所想，當天天氣不穩定，令到我不想走在街上找食點！就試試楓糖芝士煙肉三文治加一杯熱朱古力，點餐後坐下等待，環境相當乾淨，地方不算大但不會有逼夾感覺，見到大多數食物已經準備好包好放雪櫃內用保鮮紙包裹着，點餐後店員會將漢堡包加熱，店員送到面前，不過可能當天客人不太多，否則應該是自己取餐，三文治賣相不錯呀👍🏻還切開一半食得更方便，麵包相當軟熟芝士醬加熱後及不會太乾硬的煙肉味道相當好，而且店員的親切禮貌亦超出驚喜，例如當天人不太多，我坐嘅座位枱子比較細，店員就着我可以坐過隔旁比較闊落的雙人枱會坐得舒服啲。所以總括就腳➕味道➕舒適➕招呼，一定可以encore

搬返中環返工，好多地方都貴咗好多，又細份咗，搞到我成日都午餐食唔夠飽。但係呢間唔同，以份量嚟講價錢唔算太貴。每份套餐有生果，菜，同主菜。又有生果又有菜個感覺當堂健康哂。份量嚟講我自己覺得叫一個餐已經幾夠飽嘅，唔洗額外加野食。我叫咗crab risotto，嗰意大利飯幾好食，好笑嘅係有真蟹肉亦有假蟹柳。我本來驚唔飽，所以另外加咗個日式oden,嗰oden好好味😋，湯都好好飲。不過加埋就太飽😂。食完唔太覺得口渴，應該就算有味精都唔太重。 我買的時候用美食平台預訂有折。

友人最近開始食素 同佢食飯前都要做多量research 不過今日黎到中環都估到 素食應該唔難搵👍👍愈來愈多餐廳都會有素食既選擇  簡單search 下 見到呢間 trois cafe 岩食又幾抵食 😗😗好彩朋友唔揀飲擇食 佢直接叫左個素食咖喱飯🍛 我就叫左個肉丸意粉🍝  咖喱野菜飯 朋友話日式咖喱唔辣 有幾款野菜 製作都幾認真 唔會係素食就hea 左 😹 意大利肉丸配肉醬扁意粉 意粉既份量都唔細 作為lunch 都夠飽 肉醬同肉丸味道都係正常 未致於有咩驚喜 仲有一隻蛋同埋小小沙律🥗健康又開胃 相信都係針對返中環上班外食族既需要👍👍 人均消費 60 幾至80 幾 就算叫埋野飲 都係$100 內 🤭🤭🤭

(PandaPro價 🐼)堂食食過ciabatta好好味 之後發現…..panda pro外賣自取有55折變得超級抵食所以就食咗好多次歐式芝士煙肉薯泥 $28.6芝士同煙肉份量好多建議叮一叮 芝士溶咗 + 薯泥質感再綿啲比起暖暖哋食 好食好多意大利肉丸配肉醬扁意粉 $45.1賣相幾吸引肉醬份量好多 又有芝士但唔覺意撈太多嘅話 味道有啲偏鹹😂肉丸有陣不知名嘅香草味 我唔係好鐘意🤨但$45嚟講 好抵食煙三文魚冷麵 $33冷麵幾彈牙 配胡麻醬 簡簡單單無伏龍蝦大蝦扁意粉 $48.4不禁講一句: 好難食😂😂😂意粉一餅嘢咁 又無乜味好似食緊白烚意粉咁芝士雞扒英式瑪芬 $19.3望落幾吸引 唔知點解 食落有陣好勁嘅酒味(?)苦苦地 好衝擊蓋過晒其他味明明堂食樣樣都好味 外賣自取都係小心選擇😂

介紹返平時都幾常幫襯既一間 cafe 由於係公司附近 都好近地鐵站出口諗唔到食咩個時 有時同事都會推薦 漸漸地成為我地office 既飯堂 😌最常幫襯既都係lunch 便當 啲款會定時轉  今日唔想食飯 試左一個手作拖鞋包味道🌟🌟🌟🌟麵包味幾香 咬多入面見到好多氣孔同鬆軟 滑蛋 腸仔 芝士足料🥰環境🌟🌟🌟🌟🌟小店位於商場之內 柔和既燈光 配上雲石枱 都幾打卡able 🥰座位唔算多 但忙裡可以偷閒黎飲杯咖啡都幾正抵食🌟🌟🌟🌟中環黎講 呢個價錢都算make sense

今日出去見完客 唔想咁快返office 住😝😝😝 去左同事推薦既trois cafe 佢地話 呢度幾合適tea time黎hea 下Cafe 都算易搵同方便 又近中環站 佈局似係外國style 咖啡店多過港式cafe  唔係勁光猛 木枱連鎖個種 係雲石枱加上啲柔和既燈光 都真係幾舒適 🥰呢度除左咖啡之後 仲有啲三文治 同埋 鬆餅😗😗 仲有幾款曲奇 今日試左合桃朱古力美式軟曲奇 同埋原味燕麥杯 ❗️曲奇本身質地比較軟淋淋 易入口😋😋 曲奇面上有幾粒合桃 令到軟曲奇又有啲脆既口感  朱古力味唔會死甜 同合桃同埋朱古力味夾😚❗️燕麥杯上有藍莓🫐同埋士多啤梨🍓有上勁多燕麥 同埋yogurt 😋😋😋 睇落細細杯 但都幾飽杯 總體黎講 tea time 黎食啲輕食 坐下幾chill😌😌 下次可以再黎試其他口味既曲奇😆

🔺今日約左buddy一齊lunch, 中環既lunch time有時搵位都要攞 撞下手神 我地把心一橫寧願早少少出去食🔺大約十二點鬆啲黎到trois cafe 仲有位 就拿拿聲落order 😆😆😆🔺花膠炆雞便當上次我已試過呢個花膠炆雞  今次推介左比同事試食 一致認同$68 呢個價錢 食到花膠好抵食啊😝😝 而且啲花膠都唔係hea 嫁喎 🔺咖喱野菜玉子燒 今日胃口一般 咖喱飯🍛係日式咖喱 味道唔會好辣有啲甜味 啲蔬菜又唔會煮到好淋 仲有啲口感😁都好食 食到大半個便當🥹🥹 呢度飯量都算大 今日唔記得叫少飯🔺另加配左果汁 fresh 😗😗 飲唔晒可以拎走 🔺ps lunch time 開始後都多人 我地都唔敢坐好耐😹😹 相信早餐/ tea time 黎都會幾舒服

岩岩忙完個project 終須可以忙裏偷閑 😌😌抽空同同事仔出黎tea 一tea ☕️平時都成日嚟呢間Cafe買便當 Lunch嚟食有時都幾rush 今日tea time 黎到完全係兩個vibe  😗離開office 出黎傾下計 飲下咖啡 由於我唔係好肚餓 叫左牛油果三文魚酸種吐司 一齊share 另外同事叫左蕃茄濃湯配澳洲牛奶炒滑蛋湯通粉 煙三文魚牛油果sourdough，賣相靚又健康💯💯 三文魚同埋牛油果量都幾多 配搭一杯latte 同果汁 輕鬆休閒地渡過一個下午 ☺️☺️☺️

男朋友今日黎探班 勁醒目特別早d去cafe度搵定位 🥰等我一到lunch time 就可以即刻落去 今日我地叫左 台式滷肉便當 🐖香煎挪威三文魚配黑椒炒雜菌便當 🐟跟兩杯餐飲 我地叫左latte ☕️呢度埋單講緊都係唔係＄200 係中環黎講 坐得舒服 好食 又食得飽 呢度既cp值都幾高💯呢度既台式滷肉係切得偏大舊既同平時食開既滷肉／肉躁既質感有d唔同 不過個調味都係相近既 😌😌兩個飯都係有一隻蛋、少少沙律菜同埋有飯素 就算個飯量算多 去到最後都唔會得返白飯咁寡 🥳三文魚便當就幾大舊三文魚扒 應該係d照燒汁之類既味道 呢個相對就有少少乾身 🥹如果唔好煎咁耐會好d 由於我地都唔係啡迷 但都ok既唔會好苦 夠奶味都易入口今日要多謝mvp男朋友早到黎拎定位lunch先至可以食得咁輕鬆🥰🥰🥰

今日見完客已經成2點🤓🤓返到公司附近搵個地方坐低舒舒服服咁食個晏晝 🍽同事早前推介過 呢間cafe  見到lunchtime嘅人潮已經散去 Cafe都係買一啲便當同埋輕食為主, 過左兩點有啲款已經賣晒, 花膠炆雞便當竟然仲有😋勁好彩, 睇到menu 都係最想試呢個, 花膠炆雞好足料 有兩件花膠  冬菇都好大粒  直頭有d住家飯既味道除左花膠炆雞 仲食左個甜品 芒果果麥布丁杯, 有芒果布丁又有新鮮果肉  芒果好甜, 同事果然無介紹錯 另外見到都有三文治賣, Overall 覺得質素真係唔錯 不過lunch time 應該都會多人, 下次可以買外賣返公司食

三點三，做野做到又攰又餓 落街行下 買個tea 黎食下放下風又充充電 又唔係真係好肚餓  拖鞋包份量岩巳好就是岩哂我只想食少少 呢度都有d三文治都幾適合tea食 不過見到呢個滑蛋幾吸引今日就試呢個先 個包雖然唔係好大 但睇圖就睇到真係好足料 芝士有少少溶加上滑蛋食完個包都已經幾滿足  多手禁一禁睇到原來做緊優惠＄50有2杯咖啡 只限外賣 又順手買多左兩杯latte 返去 益埋同事 Latte 有個拉花 靚靚  呢度既咖啡都幾順口 咖啡味香濃，奶既份量落得剛剛好 呢個價錢真係超值 同事話多謝我杯啡 哈哈 下次到你買返比我飲！