霞飛會館 (Moved) New Location

今日同同事食午市，呢度有啲午市套餐但我地覺得唔啱食所以散叫。首先前菜我非常欣賞啲花生，除左粒粒粗鹽仲係有紫菜架！蘿蔔酥。幾足料，好多蘿蔔絲。牛肉餡餅。一切開係爆汁，好有視覺效果。糖醋排骨。有咬口，酸甜可口。上海粗炒。炒得唔油膩非常難得。蟹皇炒飯。非常好，蟹肉幾多。火腿津白。唔會太奶，上面係風乾火腿，頓時有fusion感覺。每人仲叫左隻小籠包。皮都夠薄。點埋醋就perfect。呢度環境幾適合傾計，枱與枱隔得幾開。而且可以容納好多人。