青花汾

Open Now

Now Closed

今次嚟到中環街市呢一個活化地標新項目，場內多咗好多小食店同埋台式飲品店。今次就揀咗呢一間以刀削麵作招徠嘅中菜館。鋪仔開陽，為處於街市2樓。先嚟一個口水雞藥膳罐湯刀削麵。雞嘅份量都幾多，口水汁有少少辣，配合埋豉油嘅香味非常惹味。下面仲有幾條青瓜，開胃。呢個湯底不得了，起初入口淡身啲，慢慢飲多多啖藥膳味就好出，養生之選，朋友話仲有啲似肉骨茶。刀削麵夠煙靭份量仲相當唔錯。小籠包小籠包即叫即蒸幾大粒夠Juicy。豆沙鍋貼脆口，入面嘅餡料亦都唔少，六件兩個人食啱啱好。