Video
Read full review
2024-08-15
739 views
本身一直想試好耐，所以求其搵咗個理由話慶祝七夕，就帶另一半過嚟食返個豐富嘅午餐。今次咁啱安排到坐窗邊位，望住大館食嘢個感覺都幾寫意。佢哋嘅麵包都幾出色，仲有少少芝士碎喺面，份量啱啱好唔多唔少。今次嗌咗兩個set，每個人都係二三百左右，呢個價錢嚟講質素絕對係impressive。‣ Steak Tartare牛肉肉質相當鮮嫩，因為本身已經混合咗蛋漿，所以入口嘅時候相當滑順。香料味唔算重，如果係一個平時好少食生牛肉或者怕太濃牛味嘅人，呢一間嘅他他絕對好適合佢哋試吓，因為真係相當容易入口，味道相對上比較清新。‣ Empanada de Pollo咬落去嘅時候覺得超級驚艷，多汁嘅雞肉再搭配炒香咗嘅洋蔥同唔同嘅香料，酥脆嘅外皮令到成個口感好豐富。如果想清爽啲就可以加埋隔離嘅莎莎醬一齊食，真係令到我覺得回味無窮。前菜嚟講真係極度出色，值得一嗌。‣ Milanesa $218畢竟都係傳統嘅阿根廷菜式，所以點樣都要叫一叫試吓。雖然肉扒面頭有一層溶化咗嘅芝士同埋蕃茄，但係唔會影響成個菜式嘅酥脆度。有層次感得嚟，唔會影響咗個風味。我覺得其實同Wiener Schnitzel有啲似，但係我覺得Milanes
‣ Steak Tartare
牛肉肉質相當鮮嫩，因為本身已經混合咗蛋漿，所以入口嘅時候相當滑順。香料味唔算重，如果係一個平時好少食生牛肉或者怕太濃牛味嘅人，呢一間嘅他他絕對好適合佢哋試吓，因為真係相當容易入口，味道相對上比較清新。
‣ Empanada de Pollo
咬落去嘅時候覺得超級驚艷，多汁嘅雞肉再搭配炒香咗嘅洋蔥同唔同嘅香料，酥脆嘅外皮令到成個口感好豐富。如果想清爽啲就可以加埋隔離嘅莎莎醬一齊食，真係令到我覺得回味無窮。前菜嚟講真係極度出色，值得一嗌。
‣ Milanesa $218
畢竟都係傳統嘅阿根廷菜式，所以點樣都要叫一叫試吓。雖然肉扒面頭有一層溶化咗嘅芝士同埋蕃茄，但係唔會影響成個菜式嘅酥脆度。有層次感得嚟，唔會影響咗個風味。我覺得其實同Wiener Schnitzel有啲似，但係我覺得Milanesa俾我感覺有啲似食pizza，得意得嚟又幾好食
‣ Flat Iron $298
佢個橫切面真係靚到我忍唔住攞嚟做封面，食第一啖嘅時候我已經覺得超級impressive，當刻有少少後悔冇嗌多一份肉。佢有六種醬料搭配牛扒一齊食，我自己個人比較鍾意燒烤醬，將成個牛肉嘅香味真係提升到去另一個層次。雖然都係青醬，但係第一次試Chimichurri，覺得都幾特別幾得意。
‣ Sides
今次我嗌咗garlic and parsley skinny fries同garlic and truffle mash potatoes，薯條夠晒酥脆香口，但係值得一提係個薯蓉，超級香滑而且仲有淡淡嘅奶香味，再加埋黑松露嘅香真係不得了，薯蓉絕對係超出咗我嘅期望，絕對唔馬虎唔敷衍。
Post
