Bar Bleu (Closed)

最近比朋友搵到間好特別嘅法式小店，環境細細但物質素估唔到咁了得，所以為食嘅我就跟朋友仔去中環好東西~先嚟個招牌生蠔，見Openrice好多人都大讚，食完終於明點解咁多人推介。佢嘅青瓜同西瓜味嘅配搭，夠哂清新又唔會蓋過生蠔嘅鮮甜，而且蠔飽滿夠肥美，所以整體上好Surprise~另外單點嘅酸種麵包，味道好豐富濃厚，再配上seaweed butter一齊食，估唔到牛油香帶點紫菜味估唔到咁夾~再嚟一個魚子醬鰻魚甜甜圈，賣相精緻，睇得出擺盤幾咁用心，口感外脆內軟，中間個醬餡係胡蘿蔔味帶橙香。魚子醬味幾濃加埋鰻魚，成個配搭整體真心好好味~我最愛就係魚生，所以就叫左個野生鰤魚，佢嘅油香味幾足，下層係牛油果蓉，面頭再加左啲小柑橘，依個Combination又幾夾。最後叫左個特大西班牙紅蝦意大利飯，最後而最驚艷嘅主菜，西班牙紅蝦成隻手咁大，紅蝦肉啖啖都勁鮮甜~