火鍋撚 (雲明行)

Open Now

Now Closed

火鍋癮起即時相約好友，去咗位於中環嘅呢間《火鍋撚》，店名有火鍋之狂熱者意思店內裝修充滿古典味，鋪了地氈令環境更舒適。另外食物選擇多而且高質，啱晒一眾火鍋控🍲一品酸菜白肉鍋 - 以酸白菜、豬五花肉、新鮮蕃茄和豬骨熬製嘅湯底，酸香鮮甜，再配上少量紅薯寬粉，份量豐富🥢極品安格斯牛小排 - 擺盤精美，油花紋路均勻，肉質細緻柔嫩，淥一淥就食得🥢酒糟五花肉 - 口感嫩滑，夾層脂肪滲出濃郁酒香，肥而不膩，而本身是熟的，淥番熱就食得🥢即炸三秒響鈴卷 - 入口脆卜卜，放湯淥幾秒就食得，又或者就咁點甜酸醬食亦得🥢流心鹹蛋黃豬肉丸 - 用上鹹蛋黃做餡料，咬落去有爆漿效果，而豬肉丸亦非常彈牙🥢法式龍蝦湯爆漿牛丸 - 牛丸煙韌彈牙，用上濃郁龍蝦湯做餡料，一咬就爆漿，滋味湧出🥢至尊水餃皇 - 皮薄餡靚，用上鮮蝦和木耳做餡料，大大粒非常爽口🥢黑松露墨魚滑 - 黑松露加上墨魚嘅鮮味，香味濃郁，口感彈牙🥢稻庭烏冬 - 吸了火鍋湯汁特別好味🥢金桔檸檬蜜 - 酸酸甜甜，味道清新，又可幫助消化