Video
Read full review
2024-08-10
271 views
今次我哋去咗中環 <Handmade Pizza Abbraccio> 😆🥂 ,位置就喺中環擺花街,大館嘅對面,餐廳一上到去裝修已經非常精緻😍 ,餐廳有幾幅好靚嘅油畫 , 裝修風格非常高級😊, 仲有一定要講嘅係餐廳有大部分空間都係露天位置☀️☀️ , 位置對著大館、半山 , 無論係夜晚定係下晝時間都非常 Chill , 好適合叫三五知己一齊食下嘢飲酒放鬆下🥂🍷 , 而且食物有水準，氣氛舒適，無論是情侶約會或朋友聚餐都值得一來😍😍今次我哋試咗招牌嘅Pizza , Pasta , 同埋兩款意大利嘅傳統甜品 ~~😊Pizza : Contadina 農家 $228🍕🍕🧀🧀今次試嘅pizza,比較特別,因為佢唔係傳統嘅蕃茄Basic , 而係白汁底🧀🧀,手工白汁非常香濃,同埋有超勁嘅奶香味 , 再加埋忌廉同水牛芝士車打芝士 🧀🧀, 食落去奶油嘅濃郁味 , 同平時一般嘅番茄底非常唔同 , 鍾意重奶油同埋芝士乳製品嘅朋友一定要試呢款pizza🤪🤪 ! 同埋pizza嘅餅底都非常軟熟香口 😜, 即使係冇配料嘅邊位,都係非常香口 , 口感軟糯😍 ~~Pasta: Salmone e Pa
今次我哋試咗招牌嘅Pizza , Pasta , 同埋兩款意大利嘅傳統甜品 ~~😊
Pizza : Contadina 農家 $228🍕🍕🧀🧀
今次試嘅pizza,比較特別,因為佢唔係傳統嘅蕃茄Basic , 而係白汁底🧀🧀,手工白汁非常香濃,同埋有超勁嘅奶香味 , 再加埋忌廉同水牛芝士車打芝士 🧀🧀, 食落去奶油嘅濃郁味 , 同平時一般嘅番茄底非常唔同 , 鍾意重奶油同埋芝士乳製品嘅朋友一定要試呢款pizza🤪🤪 ! 同埋pizza嘅餅底都非常軟熟香口 😜, 即使係冇配料嘅邊位,都係非常香口 , 口感軟糯😍 ~~
Pasta: Salmone e Panna 三文魚忌廉直通粉 $208 🐟🍝
白酒忌廉汁混合咗香濃嘅白酒味同埋煙三文魚嘅鮮味 😚 , 配合直通粉非常掛汁,直通粉煮得非常煙韌 , 掛滿香濃嘅白酒忌廉汁 , 配合大份量嘅煙三文魚 , 食到停唔到口 🤤🤤
Cannolli 西西里煎餅卷 $128
甜品用上瑞可塔乳酪Ricotta Cheese 🧀，酥脆既外殼填滿左奶油般既瑞可塔，味道適中帶少甜，配搭埋新鮮既蜜餞橙子🍊，濃郁朱古力🍫同香脆開心果，口感非常豐富，完美咁體驗到西西里既風味！🍭
Tiramisu Classic 經典提拉米蘇 $118
以傳統手指餅浸滿香濃既咖啡☕ ，配上啖啖口感綿滑既mascarpone芝士🧀味道濃郁香醇，食完真係回味無窮，作為飯後甜品既收結係非常滿足！🙈
Post
