Video
Read full review
2022-09-12
486 views
中秋佳節臨近，疫情反覆向上(恒指好似疫情咪好囉，輸咗九條街，食緊塵）。全力擴大内需、穩住市場主體、（小弟幾鍾意市場經濟呢句口號）保障改善民生等各方面作出貢獻，我哋決定去鯉魚門搞返餐海鮮午餐，賀一賀埠。中午時分，兵分兩車，各自抵達，鯉魚牌坊。當然吾少得打返個咭，再來一張。由於時間關係，友人預先準備海鮮，所以就無咗指定動作-揀海鮮，感到遺憾，感情受到傷害。首先出埸白灼海棕蝦（煮法簡單，容易加工），肉質爽甜纖幼。肉質不及花竹爽口彈牙，鮮甜味卻有過之無不及。蝦味濃郁有嚼勁，始終不及九蝦。椒鹽瀨尿蝦，北佬叫皮皮蝦，潮州話叫蝦蛄。瀨尿蝦鮮甜，飽滿結實，薄薄的一層椒鹽，睇落就平平無奇，食落就香味無比。鮮味無敵數生腌，甜味至啱游盬水，香口惹味屬椒鹽。蒜蓉粉絲蒸扇貝，天作之合，味道夾到天衣無縫，扇貝肉實肥美，加上粉絲蒜蓉，香氣四溢。滑嘟嘟粉絲，別有香味蒜蓉（光加熱就等於火），仲要金銀蒜，味道將提高更多。古法炆龍躉，不過不失，香脆有魚味。可能油炸，吾啱我口味，所以少食。同事港媽比較熱衷呢道餸。清蒸東星斑，魚肉晶瑩雪白，肥腴幼嫩，味道鮮美，魚肉鮮嫩，而且嫩得有層感，口感又爽滑，鮮美程度遠超任何阿星。東星通身
中午時分，兵分兩車，各自抵達，鯉魚牌坊。當然吾少得打返個咭，再來一張。
由於時間關係，友人預先準備海鮮，所以就無咗指定動作-揀海鮮，感到遺憾，感情受到傷害。
白灼海棕蝦
40 views
0 likes
0 comments
首先出埸白灼海棕蝦（煮法簡單，容易加工），肉質爽甜纖幼。肉質不及花竹爽口彈牙，鮮甜味卻有過之無不及。蝦味濃郁有嚼勁，始終不及九蝦。
椒鹽瀨尿蝦
29 views
0 likes
0 comments
椒鹽瀨尿蝦，北佬叫皮皮蝦，潮州話叫蝦蛄。瀨尿蝦鮮甜，飽滿結實，薄薄的一層椒鹽，睇落就平平無奇，食落就香味無比。鮮味無敵數生腌，甜味至啱游盬水，香口惹味屬椒鹽。
蒜蓉粉絲蒸扇貝
32 views
0 likes
0 comments
蒜蓉粉絲蒸扇貝，天作之合，味道夾到天衣無縫，扇貝肉實肥美，加上粉絲蒜蓉，香氣四溢。滑嘟嘟粉絲，別有香味蒜蓉（光加熱就等於火），仲要金銀蒜，味道將提高更多。
古法炆龍躉
41 views
0 likes
0 comments
古法炆龍躉，不過不失，香脆有魚味。可能油炸，吾啱我口味，所以少食。同事港媽比較熱衷呢道餸。
清蒸東星斑
56 views
0 likes
0 comments
清蒸東星斑，魚肉晶瑩雪白，肥腴幼嫩，味道鮮美，魚肉鮮嫩，而且嫩得有層感，口感又爽滑，鮮美程度遠超任何阿星。東星通身淡紅，除咗味覺之餘，仲有視覺享受。
成餐飯無批評就係呢條魚，如果連阿星都搞吾掂，呢個廚房好極都有限。
薑葱焗生蠔
44 views
0 likes
0 comments
薑葱焗生蠔，生蠔size吾肥大，加上咁焗更縮水。完成食吾到蠔味，更講不上鮮甜，可能未到蠔季。失敗之作。
龍蝦上湯煎米餅
27 views
0 likes
0 comments
龍蝦上湯煎米餅，龍蝦肉質飽滿，全身都係肉，名副其實肚滿腸肥肉橫生。蝦肉入口有嚼頭，口感，調味層次分明，濃稠高湯中顯得零舍嫩。煎炒米餅爽脆香口，吾肥膩。同事港媽差評稍咸。惜非南澳龍，略輸鮮甜，煮法普通，稍遜驚喜。
豉椒炒蜆+椒絲腐乳通菜
23 views
0 likes
0 comments
豉椒炒蜆+椒絲腐乳通菜
豉椒炒蜆口味比較重，鮮甜蜆肉加惹味醬汁，鑊氣夠。豆豉蒜味非常濃郁，口感偏咸，蜆肉全部離殼，火候掌握吾好，明顯炒過濃，失敗。
椒絲腐乳通菜，本身至愛，但老闆慳皮，腐乳吾夠。仲要用我至討厭白通，加上現時通菜吾當造，食落好似有籽，失敗。
芒果木瓜
21 views
0 likes
0 comments
飯後鮮果，鯉魚門必備，芒果木瓜，芒果香，木瓜少甜。吾知可否改下，變成時令鮮果？
總結呢餐中秋午飯，不過不失。由於港女同事離職，所以今次係無必叫椒鹽鮮尤(雖然港媽有要求，其他因素無落單）。海鮮食材係新鮮，煮法普遍非突出，既無劣評之處，又無任何亮點。
月到中秋分外明
人情世故如習俗
防住疫情，穩住經濟，安全發展，銘記在心。
Post
