紅蔥頭 (Closed)

系平日晚餐既時候黎，可能餐廳既位置人流吾多，所以比較少人。佢既二人套餐由二百幾至三百幾蚊，不過就限定幾款主菜或者意粉，選擇吾多，所以今次選擇單叫。餐廳食物既價錢算中等平民，意粉單叫大概系70至90蚊，如果要加餐湯嘢飲蒜蓉包要另外加廿幾蚊，而且收加一。但以食物質素黎講就吾值呢個價。蒜蓉包既蒜蓉味吾夠香濃，味道普通。忌廉湯入面加左好多菇菌，菌味幾重。不過系吾鍾意菇類草青味既人就會好抗拒。但忌廉味好淡，吾夠真材實料。吞拿魚蕃茄忌廉螺絲粉本身以為個醬汁會有忌廉味，但食落去同茄汁無分別，非常失望，甚至算系難食，最後食左一半就無食到。黑松露白汁三文魚天使麵味道正正常常，同出面其他普通既白汁差吾多，無咩特別，但以八十幾蚊加一之後差吾多一百蚊既價錢黎講就幾吾抵。 總括黎講就系餐廳既食物吾值呢個價，餐廳環境都ok，但再次幫襯既機會就吾大。