日喜樓 (Closed)

落銅鑼灣食街登龍街食lunch，見到呢間係V Point地底既中菜有幾抵食既午市套餐幾正，就同同事入左去食。呢度午市免加一！但收茶芥$9位。每日有六款前菜任叫任添。今日有經典肴肉、京醬茄子、蒜子燒節瓜、紅油抄手、韮菜餡餅、黑木耳。大食既我地叫左兩round添！最鍾意紅油抄手，紅油好香，抄手夠足料！茄子都好夠味，啱曬重口味既我。朋友就好鍾意肴肉，點少少醋風味非凡。餐飲跟紅棗杞子茶、話梅薏米水。我地一人要左一款。主菜我叫左XO鮮菌海三鮮配上海菜飯（$138），三鮮包括帶子一粒、魚兩塊、蝦一隻。有蘑菇加西芹做伴碟。有一碟切粒既菜比我地自己落。朋友叫左四川擔擔麵配油淋雞（$88），個擔擔麵係四川風格所以係無麻醬的，平時食開有落芝麻醬既擔擔麵，今次呢碗就覺得辣味比較重。雞係燒雞，好香，皮脆。甜品我地叫左高力豆沙香蕉球（$38）。好大粒，入面有一塊薄薄既原片香蕉。吾是南瓜（$48），呢個真係睇得又食得，係我最愛既紫薯餡！夠甜！仲用左一片紅蘿蔔墊底。