朱敏記桑拿菜 (Moved) New Location

中國人嘅傳統就係最鍾意食中菜，我屋企人當然唔例外，有時食飯食得好求其，間中都要講究一下，最後就一齊去咗食呢間朱敏記。未食正餐之前，當然食啲前菜或者冰凍小食，平時食白烚蝦就夠多，刺身以外嘅冰震蝦$98擺喺冰裏面嘅蝦感覺好保鮮，所以口感好彈牙，而且全部蝦頭都好粉嫩明顯夠新鮮，鮮味十足。風樹鮑魚$188擺得咁靚，好似一棵樹咁，中間就擺咗好多件細隻鮑魚，一口一件。配料有少少咸香，而且口感夠彈牙，選料夠新鮮。臘味炒蘆筍＄88屋企人就鍾意食臘味，貪佢夠香口可以送飯，的確係鹹香十足，而且亦有油香。不過我對臘味就冇咁興趣，鍾意食蘆筍多啲，口感好爽咬下去唔需要花費太多氣力，整體好有鑊氣呢！餸菜的確唔錯，家庭小聚亦不失為一個好選擇。