尚夢・茳煳 (Closed)

難得準時收工，同愛人一起出街食晚飯。之前係灣仔見到呢間中式fine dining想試下。今晚終於可以啦。 餐廳名叫「尚夢茳煳」，好似古裝片。位於灣仔但又隱於一條內街，真係旺中帶靜。門口有排錶位，有張枱可以睇住架車。 餐廳內部裝潢有D新潮中國風，睇得出老闆有心想用新式中餐打出一片江湖。 坐低後，職員招呼週到。開左壺鐵觀音，個茶壺好新式，仲有火熱住。成件事高檔式了。 應職員推介，點了是晚靚湯，「杞子蟲草花燉鷄」。上枱時竟然有火熱住。湯味清甜，入口暖笠笠。正! 點了脆皮牛臉肉。外脆內嫩。配自家汁料，味道更提升。 盬燒黃花魚好香口。黃花魚外皮酥脆，肉質滑嫩。這道菜可以厨師內功深厚。 主食叫了「茳煳炒飯」，這以自己招牌命名的，一定係代表作。炒飯炒得好幹身，不油不膩。配料衹係杞子，甜酸菜和鷄旦。但香味十足，口感一流。係呢間「茳煳」，就好似一個表面平平無奇，但身懷絶技的武林高手。 最後，有個炸鮮奶甜點。外皮也是炸得脆脆的，內里鮮奶滑滑香香。完美的結局!