蜀客 (Closed)

今日又嚟K11 Musea食飯，經過呢間蜀客好多次，見佢裝修幾靚又有情調，川菜喺香港做得好味又正宗實在太少啦，嚟試下蜀客。六點鐘入座，未有咩人。燈光昏暗，配合返K11 Musea 嘅風格。呢到係新派川粵菜，裝修似西餐廳，唔會嘈，坐得闊落。而且望到維港海景，即刻高級左。有個酒吧，食飽可以坐下飲返兩杯，露枱有無敵大海景，加埋音樂，好有情調，不過防疫措施酒吧要關閉，無酒飲，但都可以出去露台坐下嘅。想試多啲唔同野，所以叫左套餐，見到川菜有遼參覺得出奇，討論中嘅時候經理過嚟話佢地其實係川粵菜，喺成都請左3個師傅過嚟做川菜，有1個師傅就係南海一號過黎做粵菜，即刻恍然大悟，禁我地就一於試下Menu B 。有少少川菜嘅感覺，少少酸辣，開胃前菜。有蝦、帶子、魷魚。禁濃味就食唔出新唔新鮮架啦，但都唔差嘅。糊辣熊貓筍，一啲都唔辣，似炒筍。薑汁秋葵，無薑汁味，個汁係酸酸地嘅。酸辣海鮮豆腐羹，豆腐滑食到有蟹肉，有點過酸同唔夠辣。蠔皇扣遼參，海參本身無咩味，但夠大條同粗身，個汁煮好味，唔錯水煮魚，其他地方通常係芽菜底，呢到用生菜第一次見，啲生菜吸曬油，食左兩條就食唔到。魚煮得好滑，唔會過熟一夾就散，同埋無咩骨。但