Video
Read full review
2020-11-24
241 views
呢間係瀛豐放題新開嘅粵菜廳，都有大閘蟹放題食，不過我哋今次就無試。食咗晚市套餐，啲經理係全男班(叔叔)，仲要好熱情，搞到我哋有啲尷尬😂😂😂😂——————————————————
▪️鮮菠蘿炒咕嚕肉 ($108)▪️鮑汁扣原件花膠扒 ($368)▪️北海道珍寶帶子配牡丹蝦汁鴛鴦米 ($68位)▪️日式焦糖陳皮燉蛋配桃膠時令生果 ($48)話說經理大叔話安排我哋坐「海景位」，點知係對住個魚缸😂，之後啲嘢食嚟咗，佢主動搬啲茶杯俾我哋，話要比對下碟嘢有幾大⋯⋯😂係上一輩嘅攝影技巧招牌菜拔絲咕嚕肉，夾起真係會有一絲絲，記得上次喺其他舖頭食，個拔絲做咗喺碟隔離當裝飾，個炸皮非常之薄，好似一層玻璃咁，咬落超脆，豬肉係半肥瘦、軟腍juicy ，不過肥肉較多而且又甜，食得多會有啲漏😂難得係用咗新菠蘿而唔係罐頭菠蘿，不禁令我哋猜測，係咪其實都係同放題嗰度啲燒菠蘿係同一隻料😹北海道帶子配鴛鴦米，食到脆米通同埋白米兩種口感，個汁係牡丹蝦汁，不過我哋覺得有啲似福建炒飯個汁😂個帶子夠大粒唔錯～花膠扒同雞湯翅都好足料好滋補，同一定要食中菜嘅老一輩食飯，都係唔錯嘅選擇。最後甜品係日式焦糖布甸，老實我覺得有啲九唔搭八，粵菜我
——————————————————
▪️鮮菠蘿炒咕嚕肉 ($108)
▪️鮑汁扣原件花膠扒 ($368)
▪️北海道珍寶帶子配牡丹蝦汁鴛鴦米 ($68位)
▪️日式焦糖陳皮燉蛋配桃膠時令生果 ($48)
話說經理大叔話安排我哋坐「海景位」，點知係對住個魚缸😂，之後啲嘢食嚟咗，佢主動搬啲茶杯俾我哋，話要比對下碟嘢有幾大⋯⋯😂係上一輩嘅攝影技巧
招牌菜拔絲咕嚕肉，夾起真係會有一絲絲，記得上次喺其他舖頭食，個拔絲做咗喺碟隔離當裝飾，個炸皮非常之薄，好似一層玻璃咁，咬落超脆，豬肉係半肥瘦、軟腍juicy ，不過肥肉較多而且又甜，食得多會有啲漏😂難得係用咗新菠蘿而唔係罐頭菠蘿，不禁令我哋猜測，係咪其實都係同放題嗰度啲燒菠蘿係同一隻料😹
北海道帶子配鴛鴦米，食到脆米通同埋白米兩種口感，個汁係牡丹蝦汁，不過我哋覺得有啲似福建炒飯個汁😂個帶子夠大粒唔錯～花膠扒同雞湯翅都好足料好滋補，同一定要食中菜嘅老一輩食飯，都係唔錯嘅選擇。
最後甜品係日式焦糖布甸，老實我覺得有啲九唔搭八，粵菜我寧願你比碗紅豆沙湯圓、桂花糕我，都好過無啦啦整件日式(西式?)嘢，同埋又關陳皮咩事？🚬味道就係超市買到嗰d，同埋覺得布甸上面可以唔洗有菠蘿同桃膠，唔係所有嘢炒埋一碟就叫好食😂
小插曲：讀者同我哋反映，book位時個經理問佢係咪「睇咗mytvsuper」先嚟。小pin知道後向「瀛豐放題」查詢，「瀛豐放題」獲悉後，發現原來「灃味館」經理，喺同HKBN簽約時，獲贈10000個Tokens，可在mytvsuper落廣告。餐廳現在已取消所有廣告。
✨ 灃味館✨
📍 銅鑼灣京都廣場7樓全層
⏰ 1700-0200
Post
