灃味館

Open Now

Now Closed

主打半私房菜式新派粵菜的灃味館，由老闆兼大廚銓哥主理。這次晚餐中，以涼拌茴香根、三黃雞濃湯雞煲翅、拔絲咕嚕肉及開心果露最令人深刻。頭盤是金沙脆魚皮，這道菜以脆炸的門鱔魚皮為主角，金沙味道適中，既香脆又不過於油膩，開胃又美味。接著是涼拌茴香根，這是我第一次品嚐茴香根，口感清脆，類似洋蔥但更加清爽，還帶有花雕酒的甜味，令人驚喜。熟醉大頭蝦入味十足，花雕和花椒的搭配讓每一口都充滿層次感，可選擇生吃或熟吃，非常值得一試。三黃雞濃湯雞煲翅是這裡的招牌之一，才$458　一大鍋，濃郁的三黃雞湯燉煮的牙揀翅，湯頭鮮味，有三黃雞拆絲，超級多翅，用料十足，性價比高。花雕蛋白蒸蟶子皇用上20年的花雕酒香氣撲鼻，雞湯蒸蛋白裡還有陳村粉，蟶子皇爽口。鮮菠蘿拔絲咕嚕肉使用黑毛豬製作，脆漿厚薄適中，外脆內嫩肉多汁，甜酸度亦恰到好處，朋友們都讚不絕口。藤椒浸BB乳鴿的肉質嫩滑，帶有微微的花椒及酒香味，口感比一般的紅燒乳鴿更加出色。我們還品嚐了香茅焗大鱔，香茅的清新香氣讓人回味無窮，非常惹味，不怕魚骨的朋友都吃得津津有味。最後，鮑汁扣12頭花膠扒伴粗麵不僅份量十足，鮑汁的味道濃郁偏鹹，搭配粗麵口感不錯。甜品方面，我們選

呢間餐廳由入廚超過25年嘅銓哥主理，糅合傳統同創意元素，並以以多種烹調方法製作粵菜🥢💗金沙大都脆魚皮 ($78)香脆嘅炸魚皮超大塊，每塊魚皮都沾滿香濃嘅鹹蛋黃，真係超級邪惡，忍唔住一口接一口🥚💗麻辣一口鮮鮑魚 （188）鮮鮑魚爽彈鮮嫩，加入辣椒同麻椒調味，作為前菜特格麻辣醒胃🌶️💗三黃濃湯雞煲翅 ($118)雞煲翅以三黃雞同老雞文火煮兩個半鐘，將雞骨同肉分離後，以雞油細火炒乾雞肉，再加入雞清湯再煮至奶白色濃湯，最後將雞油過濾🍲雞湯入口濃郁帶鮮，有大量雞絲同魚翅，夠哂奢華滋補🐓💗雞油花雕蛋白蒸蟶子皇陳村粉 （$256）選用紐西蘭蟶子皇，蟶子爽嫩鮮甜🐚加上雞油同20年古越龍山陳釀花雕酒嘅香味，花雕味突出但完全沒有酒的苦味🥃底下嘅陳村粉同蛋白入口滑嫩，回味無窮🥚💗新鮮菠蘿拔絲咕嚕肉 ($158)咕嚕肉特意選用本地豬頸肉，肉質特別爽滑，炸至外皮薄脆，內裡保持肉汁🐖而糖醋汁就用上山楂同片糖製作，酸甜開胃🤤旁邊嘅新鮮菠蘿亦不容忽視，大廚特意用火槍輕輕燒過，令菠蘿帶有焦香🍍💗開心果露 ($68)選用美國進口開心果露，口感濃稠絲滑，開心果味濃郁，甜度啱啱好，再加上開心果碎增加口感💚

好幾個月冇見班姊妹，梗係又要出嚟聚下。 姊妹今晚選址灃味館，銅鑼灣地鐵出左就見到，超方便。 食店地方唔算大，一眼睇晒,不過又唔會坐到好逼。但正因地方細，撞啱有班客講野超大聲，係每枱都要大聲講野就變得好嘈，同埋好熱。 5個人叫左8個小菜，份量唔算細，所以都食唔晒。小食魚皮好香口， 薑葱桶蠔大大隻，不過炸粉略厚。客家甜酒煮雞， 乾迫粉絲蟹肉煲， 牡丹蝦汁脆米伴北海道帶子（呢個好味道），帶子超大隻。仲有菠蘿咕嚕肉。整體食物都算ok, 職員都好有禮貌同反應快。

今年的父親節，我們選擇了「灃味館」來慶祝這特別的日子。這家餐廳是朋友推介，讓我們對這次的用餐充滿期待。首先，我們定了個「包房」。當我們被領進房間時，我當然沒有期待著豪華裝潢，結果發現這包房要與人共用，中間竟然只是用膠簾和旁桌分隔開來的！就是那種細長條摺扇般的半透明磨沙膠簾，瞬間感覺像是進了個高級的小隔間又帶點簡陋。但是這種環境設有5000元的最低消費，會讓我覺得有點意外。總結，整體味道不錯，有心機認真做食物，不過部份菜式偏鹹，但不是死味精果種，服務有禮很貼身，價錢合理。金沙大刀脆魚皮，是一道賣相做型頗具創意的菜品，炸得酥脆扁平的魚皮配上咸蛋黃醬，雖然味道不算特別驚豔，但也讓人感到滿意。溏心皮蛋伴陳醋舢海蜇頭溏心皮蛋出奇地不是溏心的，味道還是可以質感柔嫩與海蜇頭的脆爽搭配得當，再加上陳醋的酸味，這道菜品讓人感受到傳統風味的魅力，非常適合作為前菜。三黃濃湯雞煲翅每位上的三黃濃湯雞煲翅的湯頭濃郁，是全晚最佳選擇，滿載的湯料充滿了鮮美的味道。雖然魚翅的質感稍顯普通，但整體來說，這道菜是喜歡濃湯的人的不錯選擇，讓人感受到真正的豪華享受。新鮮菠蘿拔絲咕嚕肉菠蘿和咕嚕肉的組合酸甜適中，雖然拔絲的效果

這家中餐廳的表現相當不錯，食物美味且價格公道。雞煲翅湯底濃郁，味道非常正宗，令人一試難忘。咕嚕肉外皮酥脆，內裡鮮嫩多汁，口感絕佳。百花雞別具特色，雞肉嫩滑，餡料豐富，風味獨特。花膠面也是一大亮點，麵條爽口彈牙，湯汁滲入其中，每一口都充滿了香味。炸魚皮則更是出色，脆脆的口感配上適中的鹹味，讓人一吃就停不下來。總體來說，這家餐廳不僅在食物質量上表現出色，價格也十分合理，是一次非常值得推薦的用餐體驗。無論是家庭聚餐還是朋友聚會，這裡都是一個不錯的選擇。

Dinner organised by Lotus in the partitioned semi-private room. Apparently Chef used to work at TST Hyatt Regency.Here’s what we had. 糖醋脆魚皮- a bit spicy for me; the piece that I tried was not crispy at all, but they all loved theirs.話梅番茄川味花蛤 - I didn’t try any but they all said the clams were big and juicy.菠蘿咕嚕肉- very crunchy with juicy meat; sauce was made with 山楂, with interestingly thick 拔絲-like consistency. Loved the grilled pineapple cubes on the side. Must try.魚湯黃金脆米東星: server made a show

冬至去咗呢間餐廳食飯職員非常有禮貌，亦都好客氣俾咗間大房我哋叫咗幾樣招牌菜包括酥脆魚皮，拔絲菠蘿咕嚕肉，脆皮牛腩，金磚豆腐，滑蛋蝦仁等等先講酥脆魚皮同其他餐廳好唔同一大片魚皮咁樣上枱非常特別，而且很澎湃打卡一流影完相後店員會幫你分成小份預備好香脆，而且上面有蛋黃食落好惹味，但又唔會太鹹必點之一.拔絲咕嚕肉真心有拔絲係好難做到嘅而且啲菠蘿係好鮮甜咕嚕肉外脆內軟甜酸適中，一樣好好味.脆皮牛腩都係力推之一我覺得好特別，冇食過炸過嘅牛腩.千祈唔好睇小滑蛋蝦仁雖然係好普通嘅菜式但佢嘅滑蛋同出面嘅一啲都唔同超級超級順滑，口感好特別.總括嚟講，每道家常菜都幾出色一班人食可以食多幾款就開心好多最後仲送埋甜品係紫米露啊並唔係普通嘅紅豆沙真心不錯，不錯！

首先嚟到，坐近魚缸位，話係海景位，當然冇海景，職員拎海鮮時，魚缸水會瀉出嚟，係瀉，唔係濺！傳嚟一陣渠味，想轉枱但話滿座，環境等如深水埗大牌檔，見到廚房地下污糟到同街市冇分別，接住係一連串胡椒龔鼻龔眼淚嘅鑊氣，敏感嘅人士請考慮，令人狂打乞嗤，個川味花甲，就係蒸完後每隻加一pet老干媽辣醬，真夠川，盛惠$358（未加一），鎮店之寶仲厲害，咕嚕肉啲汁唔掛肉唔均勻，笑出嚟，人參烏龍茶似係晏晝下午茶飲完返沖，茶介$20一位，雞油花雕蒸蟶子王陳村粉，蟶子王無鮮味，個菜名無包括嘅蛋白就最滿，盛惠$768，無花雕味，懷舊江南百花脆皮雞，其實係一塊街市現成蝦餅，$300，燒汁牛肋骨，將平時一舊嘅牛肋骨切到10片，然後個汁勁鹹， 又$288！龍躉蒸糯米飯淡而無味，盛惠$788，平均每人食咗$700，享受差過大牌檔。完。

服務周到精緻中菜館雞油花雕蛋白蒸蟶子皇陳村粉蛋白好滑溜，淋上雞油好香蟶子皇大隻鮮甜陳村粉算滑，略嫌黏口江南百花脆皮雞將新鮮走地雞去骨及低溫風乾再釀入蝦膠，蝦膠彈牙雞皮超脆有肉香，沾有芝麻加倍香口後悔剩係叫咗半隻3個人分嫌唔夠喉😂荷香客家梅菜蒸芥蘭芥蘭嫩綠唔苦最正係梅菜，甜中帶鹹，無渣撈飯食一流😋姬松茸南非鮑魚燉烏雞火喉足夠濃郁，湯頭清唔油膩

每年奶奶生日都臨近中秋今年一家人提早做節 + 生日飯搵到銅鑼灣呢間粵式手工菜與別不同．用心製作嘅菜式大家都食到讚不絕口✨糖醋脆魚皮呢度嘅魚皮口感鬆脆唔係又乾又硬嗰種加上糖醋甜甜地好開胃✨家鄉辣肉腸兩款口味嘅肉腸特別鍾意麻辣味道✨招牌雞煲翅嚟到一定要食雞煲翅魚翅唔係一絲絲．而係一大片金黃色湯底．充滿濃郁雞香清甜且無油膩感✨花雕蛋白陳村粉蒸 蟶子皇面層舖滿大大隻蟶子皇底層係滑嘟嘟似豆花一樣嘅蛋白再加上一片片陳村粉．好有心思嘅配搭✨鮑汁扣十二頭花膠扒公跟粗麵底花膠軟腍幼滑淋上鮑汁嘅粗麵同花膠好夾✨金華玉樹麒麟雞 跟脆米底雞肉非一般的口感．肉質特別幼嫩將雞同金華火腿放上脆米上加少少汁一齊食．口感更豐富✨招牌拔絲咕嚕肉咕嚕肉食得多．每粒都有拉絲感酸酸甜甜．外層香脆．停不了口✨煙燻脆皮乳鴿切半外皮脆卜卜．炸完嘅肉汁依然豐富煙燻令乳鴿嘅味道唔會太鹹✨荷香梅菜王蒸菜心原籠蒸嘅菜心．加上梅菜王簡單得嚟既清甜美味．又可以中和一下✨銓哥炒飯老闆級嘅炒飯確是不同的炒飯粒粒分明．足料．乾身唔油膩✨賀壽桃今餐壽宴．當然唔少得壽包啦✨紅豆沙紅豆沙口感綿滑．唔會太甜為今餐劃上完美句號大家捧住肚走．滿足又滿意

Lunch time 同朋友係cwb 附近揀咗間中菜館，打算食龍蝦。由於得兩個人，所以只order 左三個餸，龍蝦煲，炒蟶子同花膠扒。除左蟶子屬於正常，另外兩碟都喜出望外！粉絲龍蝦煲十分足料，而且啖啖肉; 花膠扒十分巨，而且個汁同個面好match～ yum！下次我會再返嚟，叫多啲人，可以試多幾個餸！

今晚主要想食「東星班泡飯」，朋友之前食过，十分滿意，極力推介，魚湯濃，但有小小腥，味道不錯，但價錢有點貴粉絲蟹煲，牛肋骨都好味另外，坐位有點迫，冷氣有小小唔夠，有風扇都小小熱

川味花甲大隻又厚肉，個汁似平時食口水雞嗰啲但再香辣少少好開胃金沙大刀魚皮塊炸魚皮長過我隻前臂勁誇張，叔叔係我哋打完卡之後就幫我哋整到細細塊容易食，每塊脆卜卜既魚皮都沾滿鹹蛋黄，晤算油膩鮮菠蘿拔絲脆皮咕嚕肉上枱覺得都係普通咕嚕肉囉，點知一食外脆內軟，醬汁少少凍有食冰糖葫蘆既效果，入面既肉有咬口得嚟偏腍，鮮菠蘿表面燒過食落甜品更出，少少酸收尾，好食雞油花雕蛋白蒸蟶子𡈼伴陳村粉打卡一流呀賣相，上枱時花雕香撲鼻，隻隻蟶子筷子咁長無蒸過籠又嫩又甜，蛋白同陳村粉吸收晒蟶子既精華，真係一口接一口咁食唔停鮑汁扣原件 12頭花膠扒公依個價錢幫你燜埋，個要大大隻真心抵到爆，一份大概切到8件左右，用左蠔、雞濃湯、金華火腿汁扣煮燜，鮑汁濃郁到我想飲左佢~勁後悔無加麵唔好睇餐廳員工有返咁上下年紀，佢哋係super nice 又會好主動同客人介紹菜式傾下偈，又會成日同你換碟又會幫你預好哂時間上菜，野食又真心好食，除了坐得迫了少少之外，真係無野可挑剔。

𝟚𝟠.𝟘𝟚.𝟚𝟘𝟚𝟛《服務態度唔錯嘅中菜👍🏻》🍃灃味館 (銅鑼灣)🍃📍銅鑼灣駱克道491-499號京都廣場7樓📍嗰陣慶祝嫲嫲生日就去咗呢間中菜館🥢當日係平日夜晚去都全場滿座😲餸菜嘅質素唔錯，服務態度亦都唔錯👻整體嚟講都算幾高質嘅中菜廳🥳𐂂 上湯焗龍蝦煎脆米粉底 ($時價)記得我哋嗰陣食嘅時候係$4xx左右嘅價錢💰龍蝦都幾鮮甜彈牙，唔會有霉霉哋感覺🦞個上湯汁好正，將個脆米點落去就會有兩個唔同口感💜一食就停唔到口🤣𐂂 松露金磚豆腐 ($68)皮脆入面嘅豆腐超嫩✨松露味唔算好勁，只係原本嘅椒鹽味上加咗啲去調味🧂𐂂 新鮮菠蘿拔絲咕嚕肉 ($158)好岀色！可以話係必嗌🌟每一嚿都拔到絲同埋炸得幾脆口❤️調味都超啱胃口，用嚟送飯一流😌𐂂 黃金大海蝦 ($78/隻)呢個就唔太推薦😓將近$80隻但係霉嘅🤯再加上啲鹹蛋黃淨係喺個蝦殼面，我就覺得唔係太值啦🤧如果蝦新鮮啲，同埋花多少少心思喺將黃金同蝦肉結合會更好🌝𐂂 脆皮炸子雞 ($248/半隻)炸皮好酥脆，雞肉都好嫩，但唔會有血水🐓不過感覺份量偏少🙈整體嚟講都嗌得過的~ ꧁評分꧂🍴食物: 4/5💰性價比: 3/5🪴服務: 5/5⭐️✈︎ 店鋪資訊✈︎💸人均消費:

已經係第二次去，水準keep得住。第一次去食咗佢嘅必食3寶: 雞煲翅、咕嚕肉同花膠扒，計返個價錢，高於水平，所以回頭再試。結果無令人失望之餘，試其他嘢食都好好味！松露金磚豆腐 豆腐外脆內軟，面頭有陣陣松露香味。雖然只係用松露粉，但已經好夠。糖醋脆魚皮魚皮脆口，食落去甜甜地，似平日係x鳳/優x良品買嘅零食，沒有太大驚喜。新鮮菠蘿拔絲咕嚕肉🍍今次個拔絲咕嚕肉無上次咁多絲，但味道一樣無變。咕嚕肉外皮脆而個肉夠juicy。另外個伴碟係新鮮燒菠蘿，超級醒胃👍🏻避風塘豬手 🐷🍖呢個相對其他嘢食嚟講，失色咗少少。話明避風塘豬手，一定係好惹味。可能上枱個陣已經凍咗，食落去無咁香脆。三黃濃湯雞煲翅🐓🍲個雞煲翅好足料，湯面仲有d雞油(識食當然知道呢d係寶)，雞湯香濃，加埋個翅，真係好夾！本身無諗住影煲翅，侍應問要5要影，咁就走咗去影啦，一影就知佢幾咁足料！讚！👍🏻蔥油炸子雞-半隻 🐔呢個炸子雞皮脆肉滑，大量嘅葱圍住隻雞，外面d油仲綠綠地色，葱油味十足！鮑汁花膠撈麵今次因為人唔多，無叫花膠扒加粗麵，改咗個例牌，當然冇一大塊花膠扒咁多花膠啦，但個味都一樣，$138分到4碗滿，絕對超值！海帶綠豆沙食咗咁多，臨尾