Video
Read full review
2017-09-22
2994 views
踏入生日月份九份，多謝朋友們既寵愛，陸續有唔同既生日飯局❤️ 今晚就係去位於Kerry hotel 7樓既紅糖，Kerry Hotel係位於紅磡新開既一間酒店，地理上真係唔太方便既，絕對唔近地鐵，係海逸豪園附近。不過勝在夠近海邊，有好靚既海景，大家當去行下海旁浪漫一下都唔錯。一上到去到樓轉右，就會見到Red Sugar，好懷舊特別既設計。入到餐廳有種好舒服既感覺，d燈光好soft，座位同座之間又唔會太接近，如果多人食可以坐圓枱，感覺close d 好似一家人係屋企食飯咁，佢用左紅磚黎做主要裝飾材料，襯番個名🤗大家一行到入餐廳就會係左手邊見到呢個無敵大海景嫁啦，見到個景個下都幾surprise，大家d紀念日丫生日丫，都可以試下黎比驚喜另一半🎉紅糖除左舒適既環境同無敵海景外，食物都相當唔錯🤤 頭盤叫左呢個海蜇頭拼青瓜，海蜇頭咬落去shock shock聲好爽的，佢用陳醋醃酸酸地好開胃，唯一美中不足就係唔夠凍，呢d冷盤如果夠凍仲正。菜方面我地叫左呢個松露野菌素千層，上面黑色圓形一塊個d就係松露，松露食落既味道其實偏淡，同西餐意粉個d黑松露係完全唔同，佢有淡淡既香味，口感就無咩特別。我比較欣賞既
一上到去到樓轉右，就會見到Red Sugar，好懷舊特別既設計。
入到餐廳有種好舒服既感覺，d燈光好soft，座位同座之間又唔會太接近，如果多人食可以坐圓枱，感覺close d 好似一家人係屋企食飯咁，佢用左紅磚黎做主要裝飾材料，襯番個名🤗
大家一行到入餐廳就會係左手邊見到呢個無敵大海景嫁啦，見到個景個下都幾surprise，大家d紀念日丫生日丫，都可以試下黎比驚喜另一半🎉
紅糖除左舒適既環境同無敵海景外，食物都相當唔錯🤤 頭盤叫左呢個海蜇頭拼青瓜，海蜇頭咬落去shock shock聲好爽的，佢用陳醋醃酸酸地好開胃，唯一美中不足就係唔夠凍，呢d冷盤如果夠凍仲正。
海蜇頭青瓜
$88
95 views
0 likes
0 comments
菜方面我地叫左呢個松露野菌素千層，上面黑色圓形一塊個d就係松露，松露食落既味道其實偏淡，同西餐意粉個d黑松露係完全唔同，佢有淡淡既香味，口感就無咩特別。我比較欣賞既係佢個素千層😍佢個外表平平無奇，好似人地個d紅燒豆腐係米？但唔係，佢內有乾坤，佢入面係一層層好似人地個d腐皮咁不過有幾層腐皮。 本人係好中意食腐竹應腐皮的，所以我覺得好好味。佢既調味都好食，有d似蠔油芡，岩岩好唔太咸。雖然係一個比較簡單既菜，但都已經好好味。
松露野菌素千層
$198
106 views
0 likes
0 comments
我地隔離枱係一位女仕，佢自己一個人食野，叫左半隻炸子雞，我地見個賣相好吸引，於是都跟住叫左，結果果然無令我失望，塊雞皮脆到一個點🤤 咬落去卜一聲，又唔會太咸喎，幾好幾好，雞肉都算嫩滑
脆皮炸子雞半隻
$260
111 views
0 likes
0 comments
主角非呢個宮廷醬烤骨莫屬，其實我見到 "骨" 唔係好想叫，因為本人係唔中意食有骨既野🤷🏻♀️ 本身都無咩期望，但佢上到枱時我以為佢落錯單，呢舊明明就係東坡肉d friend🤷🏻♀️ 佢係完全無骨的，完完全全係一磚肉，一磚好好味忟得好林好入味既肉，入口即溶唔使點咬既🤤🤤 擺佢入口簡直係一種享受🤤 佢最利害係中間係有肥肉既，但肥肉既比例其實唔算太多，七三左右啦，以東坡肉黎講好難得唔太肥都咁林！十級推介大家試
宮廷醬烤肋骨
$188
91 views
0 likes
0 comments
食完野，當然要試埋甜品啦😋 叫左個楊枝金露，好好味🤤 好多西柚粒超級酸不過我中意😂 好滑好香👍🏻
楊枝金露
$58
81 views
0 likes
0 comments
甜品又點可以少左我既最愛芝麻糕呢？咪睇佢個樣唔係好靚仔好似少咁舊😂 芝麻味好香濃，唔痴牙，佢都算甜既，不過又唔會話過份甜，都值得一試👍🏻
黑白芝麻糕
$58
108 views
0 likes
0 comments
總括黎講，我十級推介大家去呢到食，回頭率係100%🤤🤤🤤 環境好景好食物好，不過就係偏遠左少少，食物份量細份左少少同貴左少少。但間唔時一次半次黎慶祝係值得的❤️☺️
Post
