聚點 (Closed)

行過 K11，見到有間餐廳外有好多不同國籍的人士在等，於是我們走過去看看有什麼好食。看過貼在門口兩邊的餐牌，感覺好吸引，所以決定入去試試。大約等了 5-10 分鐘左右，終於入到去。覺得枱與枱之間排得幾密，同埋枱的闊度比較短，所以坐得比較親密一些。好耐無飲利賓納，以前响某 d 食店點這個，飲落會有點淡，但呢度個味一 d 都唔淡，算是不錯。豉油皇乾煎海虎大蝦海虎上枱前已經剪走哂 d 刺，食的時候唔會整到咀。一啜隻蝦，豉油味真係入到落隻蝦度好入味，當中帶有少少吊起的香辣味，而且肉質好厚身好鮮味。粟米魚肚羹唔知係咪太多人叫，所以要由魚肚轉咗蟹肉，其實用料真係好足，而且熱辣辣得來差 d 辣到個咀，飲完一碗又一碗。瑤柱肉鬆蒸水蛋呢個蒸水蛋同出面唔同的地方，一定係食落唔油~不但蛋味夠香，而且肉鬆同瑤柱蒸得夠腍身，食落口感好豐富。蒜炒時菜前面食 d 香味的餸菜，當然唔少得叫番碟菜來送飯啦~菜芯 是我們的不二之選，炒得好有鑊氣，好有蒜香味夠 fresh~响我們享用的時候，發生了一段小插曲~坐在我對面有一位外藉男士，自己一個人食食吓嘢無啦啦哭出來。雖然大家係不相識，但係我們一邊食，一邊聆聽他訴心事，希望這