Video
Read full review
2021-09-09
169 views
Bookmark咗呢間餐廳好耐😝終於有機會俾我呢隻新界牛出嚟大坑飲下食下啦🤪一場嚟到，當然要試下呢度最出名嘅【大坑薯條】啦～夠膽係大坑主場改個咁嘅名，肯定唔可以失禮街坊啦😏等咗一陣，主角登場！我平時其實偏好食肥大肉厚嘅粗薯條嘅，因為好多幼薯條只有香脆口感，完全食唔出薯肉嘅質地同薯味😖不過！呢個大坑薯條雖然係典型幼身薯條，不過香脆得嚟依然食到少少薯肉，以薯條控嚟講都算不過不失🙂但係最精彩之處當然係佢嘅調味啦！雖然薯條面放左兩條辣椒條，但係食落其實唔算辣（利申我唔太食得辣），反而其他調味味道好出，有陣孜然粉嘅味道🤩對於同時係羊肉控嘅我嚟講簡直猶如雙倍享受😍😍鍾情重口味嘅朋友就叫咗呢款【蒜泥黑肉】黑肉其實就係燻牛肉！可惜醬汁味偏濃，其實唔係太食得出煙燻嘅香味。不過醬汁本身微甜帶辣都相當惹味😛不過講真蒜味唔算太濃🙃由於實在太肚餓🤣所以我同朋友另外再叫多咗一份【燻牛治】，外型無咩特別，食落都正常發揮咁啦😂題外話：餐廳佈置得有種七八十年代舊香港嘅感覺，仲有打卡廂座（有客坐緊唔方便影相🥲）呢！如果大家有興趣就記得預早book枱啦😝
一場嚟到，當然要試下呢度最出名嘅【大坑薯條】啦～
夠膽係大坑主場改個咁嘅名，肯定唔可以失禮街坊啦😏
等咗一陣，主角登場！
大坑薯條
26 views
0 likes
0 comments
我平時其實偏好食肥大肉厚嘅粗薯條嘅，因為好多幼薯條只有香脆口感，完全食唔出薯肉嘅質地同薯味😖
不過！呢個大坑薯條雖然係典型幼身薯條，不過香脆得嚟依然食到少少薯肉，以薯條控嚟講都算不過不失🙂
但係最精彩之處當然係佢嘅調味啦！雖然薯條面放左兩條辣椒條，但係食落其實唔算辣（利申我唔太食得辣），反而其他調味味道好出，有陣孜然粉嘅味道🤩對於同時係羊肉控嘅我嚟講簡直猶如雙倍享受😍😍
鍾情重口味嘅朋友就叫咗呢款【蒜泥黑肉】
蒜泥黑肉
18 views
0 likes
0 comments
黑肉其實就係燻牛肉！
可惜醬汁味偏濃，其實唔係太食得出煙燻嘅香味。不過醬汁本身微甜帶辣都相當惹味😛不過講真蒜味唔算太濃🙃
由於實在太肚餓🤣所以我同朋友另外再叫多咗一份【燻牛治】，外型無咩特別，食落都正常發揮咁啦😂
燻牛治
13 views
0 likes
0 comments
題外話：餐廳佈置得有種七八十年代舊香港嘅感覺，仲有打卡廂座（有客坐緊唔方便影相🥲）呢！如果大家有興趣就記得預早book枱啦😝
Post
