匯發中西美食坊 (Closed)

一家人食酒樓嘅為菜其實食到都有啲悶，如果可以有其他新嘅口味其實都唔錯。所以我哋揀咗私房菜嚟食就又可以符合返老人家嘅口味，食返中式嘅口味，又可以比啲後生仔有啲新嘅嘗試。異國三式頭盤陳醋貓耳朵，蜜餞一口牛柳粒同有機藜麥凱撒沙律。每碟分量都不小，而且口味特別，有新鮮的，有酸甜的，有香口的。卡邦尼龍蝦伴薯蓉呢一個食龍蝦嘅方法令到老一輩嘅人士都非常之鍾意，因為非常之特別，有別於拒地幾十年的食法，而且仲好好味。金湯太子蔘羹南瓜算係西式嘅定係中式嘅呢？如果對我來講我覺得就似西式啦，鮮甜南瓜蓉湯底配上我都未聽過嘅太子蔘，但係上一輩一食到嘅就話係好嘢。紅酒燴牛肋條雖然聽落去紅酒會牛肋條可能會酒味太重，但係食落去非常之濃香，比起柱候炆牛腩，大家更加愛不釋手。生炒鴛鴦菜(芥蘭、菜心)，簡簡單單嘅菜式但係又不能沒有的青菜。珍菌麥皇單腳炒飯(蝦、三文魚、藜麥)，比起常吃的瑤柱蛋白炒飯特別，而且呢個炒飯最特別嘅係要師傅單住腳嚟炒，哈哈。講笑。記得呢一度嘅私房菜係要早一日預約先至可以食架，如果係要食嘅，記住早啲打電話黎等師傅買定啲靚材料煮啦。