Second Draft (Moved) New Location

大坑薯條🍟 招牌大坑薯條絕對係必嗌之選，大大份薯條，即叫即炸好脆口，孜然味好重，食落口有少少似土匪雞翼味，配啤酒一流。 紅菜頭牛油果 真身就如名一樣，就係紅菜頭加牛油果😂加左yogurt 同黑醋汁，酸甜開胃 腐乳卡邦尼 一向都唔鐘意食腐乳嘅我本身對呢個卡邦尼有啲保留，港式嘅腐乳代替原本嘅芝士，腐乳味道唔算太濃，整體味道新穎，就算唔食腐乳嘅我都覺得可再試。炸雞治炸雞先用南乳醬醃好再炸，就咁食雞肉已經好味，一咬落去嫰滑Juicy！ 而且估唔到南乳同三黃雞出奇地夾，加埋軟熟唔乾嘅麵包，好有特色嘅burger🤩成晚最有驚喜嘅一道菜。