屯門咖喱屋

Open Now

Now Closed

用餐時間（11:56am lunch）follow@wojengyea/@wo!正嘢 for more food info🐒 支持我哋發掘更多美食 😋早幾年好鍾意食佢晏晝，性價比幾高，隔幾年再試質素有啲唔同。👀今次照樣叫佢午市套餐（衰嘢又真係幾抵👍🏽）；包括湯、蔬菜、薯條、飯、印度烤餅、冷/熱飲品。一坐低佢就會上碗湯但千祈唔好有期望，係好稀嘅粟米湯🌽再加兩舊雞，鹹到飛起，嚟咗咁多次，我冇一次飲得晒。Naan 外脆內鬆軟，熱辣辣即刻食非常好吃，我估我可以食10塊 🫓 米晤係印度香米🌾 有點失色，而且食得出有啲米係未煮熟（每一啖都好難受），建議你哋嚟可以將飯轉晒做Naan，問咗老闆娘話無問題。蔬菜加咗小茴香去煮，原本三色豆🌽🥕平平無奇就變得好味咗，但係凍嘅（唔知佢係咪for凍食？🤷🏾‍♂️）加$12飲個拉茶（個印度人喺你面前拉✌🏽），次次飲都覺得太甜，今次嗌咗少甜🍬 ，飲得出唔只得甜味，香料更香濃更出，反而仲好飲咗。🤩夜晚都嚟過幾次，見佢好多外國人、印度人都嚟食，不過個人都係鍾情九龍城嘅咖喱🍛。