cafe TOO

好耐都冇試過一家人食 Buffet，一直都比較喜歡 Cafe Too 嘅，所以又再嚟...先嚟一份沙律加少量嘅海鮮。沙律冇咩好講啦 海鮮就一般，蝦鮮甜嘅，但蟹冇咩味道... 反而泰式海鮮沙律就有 D 驚喜，熱盤嘅龍蝦鉗都唔錯。刺身新鮮，特別係甜蝦，而三文魚都係肥美嘅。扒類就的確爭少少，不過熱盤入面嘅芝士煎雞就真係好好味... 甜品，一般啦... 整體嚟講有少少退步嘅，不過咁樣價錢，算做收貨... 另外侍應嘅服務非常貼心及周到，值得讚賞嘅。