芽莊城越南牛肉粉 (Closed)

一場來到深水埗，原本係打算搵平野食，但又唔想食太飽，天氣又熱，想搵d濕濕地既粉麵食下。上網找左一陣，見這間越南菜評價似乎不錯，就直衝過去。由北河街入口進入街市，到2樓後會比較難找到扶手電梯再上熟食巿場，但若由桂林街入口上去則容易得多。來到3樓熟食中心，下午茶時段不太多人，我便點了招牌湯河（$42）和青檸梳打（+$6），坦白説以深水埗，兼要係街市熟食中心，這價錢實在有點貴。但一心為食好野，只要係好食，我並不計較，只求物超所值！可惜最後仍有點失望，沒想像的好！招牌湯河，其實係牛肉雞絲札肉芽菜湯河，並送上指天椒和靑檸一碟，湯底不夠濃，沒有香葉，但至少無味精，牛肉雞絲嫩滑，只能説是中規中矩，勝在上枱時滾熱辣，不似坊間有d鋪頭上枱時只得微溫。值得一提是放在枱上的檬汁有好多蘿白絲，相信可能叫撈檬會更醒胃！