芽莊城越南牛肉粉 (Closed)

越南蝦膠紮肉蕃茄湯就甘聞已經好濃郁的蝦香氣，一試，果然無令人失望，有蕃茄的酸味，濃濃的蝦咪，連豆卜都吸滿湯汁，紮肉都好入味。令人食不停。香茅豬扒雞翼湯麵清湯味比較含蓄，但都帶點鮮味。加少少酸汁就更可口。酸蘿白絲，店員好友善，擺低啲碗叫我地食多啲酸菜。的確會令人食不停的小菜。呢間係隱藏於北河街街市，第一次到訪，感覺係地下極「跣」😂，又似係一個平民美食天堂。而呢間位於角落的越南菜，的確令人留下美好印象，食物的味道、賣相都令人相當滿意。而且價格夠貼地，的確係平民恩物，不過此店只做到今個月29號，有種相逢恨晚的感覺。可惜！

見到哩間將要結業 就黎試下！係街市熟食中心入面 比較熱鬧香茅豬扒風沙雞翼飯：豬扒份量算多 幾入味 雞翼有兩隻總體黎講一般咖哩牛腩飯：咖哩汁香濃唔辣 牛腩份量適中$38個飯 好抵食！

今日行經深水埗，記起隱藏在深水埗街市3樓熟食中心內嘅越南粉，於是去尋找美食。由於係星期六4點幾時間，人流唔多，即時有枱，一坐底就即刻落單👍👍👍👍咖哩牛腩河，有咖哩同椰香味，但只有一丁丁點嘅辣，啱晒我啲唔辣得又想食咖哩嘅人。👍👍👍👍蕃茄蝦膠札肉檬粉，蝦膠彈牙，札肉正常，配蕃茄濃湯，回味無窮👍👍👍👍香煎豬扒，薄薄嘅豬扒煎到表皮微脆，每次食湯粉必加之選@$10件👍👍👍👍小食拼盆，想一次過食盡此店精選，非此拼盆莫屬，煎蝦餅，雖然材料相同，一放湯，一香煎，口味大不同，愛香口小食嘅我不會放過。米網春卷自己心頭好，用生菜+自醃蘿蔔😍😍😍😍。札肉正常。雞翼今次有點失望，只是香炸，欠了薄薄脆香嘅炸皮包裹，有啲失色。👍👍👍👍👍檸檬梳打，檸檬件絕對大手筆，每杯有5角，唔飲咖啡嘅另類選擇❤❤後感……雖然環境並非人人接受，但味道是集團店不比較的，期望之前時間，老闆及老闆娘再為我地帶回美食💪💪💪將會消失的美味

嚟親深水埗，自然想去呢間喺熟食街市入面嘅平靚正越南餐廳。雖然坐得唔係好舒服，同埋喺街市入面，但呢度啲嘢食好平。我每次嚟親都係食生牛肉湯河，或者扎肉撈檬，今次就試下香茅豬扒配越式春卷飯。豬扒大大塊，春卷夠脆又多料，飯又多~最正係伴碟嘅酸蘿蔔任食，酸度適中，非常開胃，老闆娘見我添完又添都無話我，仲問我要唔要多啲，簡直係愛啊哈利！食完之後，飲埋杯凍檸茶，非常滿足，加埋老闆娘滿滿嘅人情味，下晝充滿力量去開工！

今天终来到此越南店。因看了食評所以上耒ㄧ試。因過了午餐時間所以有好多位。点了拼盤,熟牛粉,豬扒飯及凍飲。熟牛粉及豬扒一看就有点失望。湯底是很清淡不是牛骨湯。豬扒就很薄及乾。最好吃就是雞翼,春卷。大家可去試試比個評价啦。

不喜歡吃五辛........卻又喜歡食越南菜......泰國菜........今日同朋友來到熟食中心......試下哩間平民越南菜.....12點左右就來到........越坐越多人........第一次來.......樣樣都想食........枱面當然有些越式調味料......已上來睇了些食評......我要了生牛肉河......對於我來講......要碗細既已夠食了........當然走了青, 樣子不吸引.....原來仲有洋蔥未走......湯是不錯的....但又不是別店那些濃濃牛骨湯.....但哩個價錢.....收貨了.....而河粉....是滑滑的, 質素唔差......我之前食過某越式河粉......硬硬的....不討好......牛肉上枱已全熟......似是火鍋肥牛果類....朋友要了香茅豬扒配風沙雞翼撈檬......樣子吸引......朋友話好味......原本想叫越式春卷......但第一次來就要了個越式拼盤....樣樣都可試下......份量好啱2人食......雞翼外脆雞肉亦滑........扎肉......味道不錯.......蝦餅......少少彈牙.....

原來有時網上介紹未必假越式拼盆值得一讚，春卷鬆脆好味，蝦餅唔知係味自家製味道鮮味，雞翼夠入味唔太咸。微迷雞絲湯河份量一點都唔迷你抵，但招牌越式湯河份量同材料都一般冇咩特式係招牌感覺。青檸梳打同凍奶茶都係一般飲品，值得推介係佢地樽蘿蔔絲酸菜唔係太酸太辣越食越想食，有些食評話會食晒成樽係真架我夾左兩次差不多冇左大半樽，食物方面感覺最好味係拼盆，但外在因素係環境真係好平民，場地管理做得唔好令食市受影響，舖位近洗手間弱點，成個熟食中心地方有點不潔有人在場內食煙，建議老板向管理處反應。

又係慳儉既時候了，嚟到深水埗又想食又平又好食既越南餐廳，無四，五十元 走唔甩。經過小編既漫長open rice search,終於俾我揾到佢。依間小店坐落喺北河街街市入面，環境說真的，5係幾乾淨，但小編的銀包都喺度叫救命將貨就價喇。小店有不同的選擇，食粉，飯無問題枱上有樣蘿白，其貌不揚，個樣好低調，好奇心驅使下try try 勁好食我食左成樽又酸又爽，2個字，好食！highly recommend it and must try item !!!!今次叫左雙拼飯，風沙雞翼好脆，肉質鮮嫩，推薦，豬扒就1般般喇。奶茶，枱上有煉奶，砂糖，落幾多悉隨尊便總括而言，37元1個午餐，環境麻麻，但性價比高丫

一場來到深水埗，原本係打算搵平野食，但又唔想食太飽，天氣又熱，想搵d濕濕地既粉麵食下。上網找左一陣，見這間越南菜評價似乎不錯，就直衝過去。由北河街入口進入街市，到2樓後會比較難找到扶手電梯再上熟食巿場，但若由桂林街入口上去則容易得多。來到3樓熟食中心，下午茶時段不太多人，我便點了招牌湯河（$42）和青檸梳打（+$6），坦白説以深水埗，兼要係街市熟食中心，這價錢實在有點貴。但一心為食好野，只要係好食，我並不計較，只求物超所值！可惜最後仍有點失望，沒想像的好！招牌湯河，其實係牛肉雞絲札肉芽菜湯河，並送上指天椒和靑檸一碟，湯底不夠濃，沒有香葉，但至少無味精，牛肉雞絲嫩滑，只能説是中規中矩，勝在上枱時滾熱辣，不似坊間有d鋪頭上枱時只得微溫。值得一提是放在枱上的檬汁有好多蘿白絲，相信可能叫撈檬會更醒胃！

好慘啊今日無人陪我食野因為我係唔中意自己食野既人所以唯有去揾自己中意食既野去安慰自己啦😂🙈肚餓既時候正正係下午茶時段所以好抵呀👍🏻由於我之前都黎過呢度加上我係蕃茄怪所以梗係叫番呢度招牌<越式蝦膠扎肉番茄湯米粉>啦黎到個賣相加氣味已經令我食指大動紅紅綠綠甘聞落去就酸酸味味甘好醒胃好啦我唔客氣啦雖然價錢平但湯頭足料，有炸蒜頭，葱同香料等等蝦膠彈牙👍🏻豆卜索哂的蕃茄汁又有扎肉同蕃茄肉$31加埋杯熱檸水你仲想點呀？😂P.s總括黎講性價比超高既用心烹調，有越式風味但就不要期望好大碗同埋個環境一般但我係個的為左好野食會括出去既人如果你唔介意，可以去試下丫😉😉😉

係南昌返工，見都多人推薦，午餐同同事過來試下。我叫左撈檬，同事要生牛肉湯檬。我個有一件豬扒2只雞翼，佢就得幾片牛肉，睇落好似我個抵d。雞翼好香口，畢竟係風沙。豬扒就普通豬扒味，唔多覺有香茅香味。不過我地都覺得係好食嘅，值得再來食。同埋街市熟食中心黎講，呢個環境算唔錯。不過就可能真系人手少，坐低幾分鐘先有人招呼落單，落完又等一陣先有得食。同一般茶餐廳嘅高速度相比真系有d慢，我地慢慢食完已經差唔多夠鐘返工。

之前想食芽莊城，唔係撞正佢唔開，就係撞正佢大裝修裝修完就梗係帶我最愛嘅lilo嚟食啦比係之前未裝修摸門釘，裝修之後光猛咗，有冷氣，令食客感再舒服扶手電梯上到去行到最後就係佢啦我哋因爲之前已經食咗嘢，所以叫咗小食拼盤同嘢飲小食拼盤勁正個蝦餅簡直係人間極品，唔同其他連鎖店個蝦餅真係誠意之作，味道剛剛好，彈牙而不似其他店舖有死蝦腥味大推薦飲咗滴滴咖啡一嚟到已經聞到咖啡香越南咖啡個靈魂係煉奶，佢大方咁放係枱面任你加飲飲下問店員有冇買咖啡粉，店員問完老板娘，好客老板娘即刻拎包咖啡粉細心解釋沖調方法，非常好人又熱情今時今日，雖然店舖外觀改變，人情味始終不變，始終如一

終於來到了深水埗這個地區，向來已經知道這邊餐廳多選擇。一直等待北河街街市裝修好，就來試試這一家越南餐廳。怎料到新年過後的星期一，一鼓作氣的來，豈料竟在星期二才啟市。以為這一間都算有點名氣的店子，應該會有點人流，來到居然有相當的空座，那就更加好，慢慢挑選，細意品嚐。豬扒雞翼撈檬，檬粉的份量不算太多，反而其他青瓜，以及蘿蔔絲更多。桌上還有一瓶酸蘿蔔絲，估計還有魚露，撈檬最出色的就是撈這個汁吧，酸酸的非常開胃。風沙雞翼兩隻，炸得剛剛好不會太乾，雞翼中間還有肉汁，非常美味。豬扒都不是太乾，旁邊的位置還有點兒肉汁，味道相當不錯。最美味的當然是這滴漏咖啡，等了一會兒才端來的滴漏咖啡，想像不到為何這麼個小小的「銅壺滴漏」，居然可以漏出整杯咖啡來😵，煉奶自己加，甜度任你選。咖啡味道相當之香，當然與那些咖啡店，挑選哪種巴布亞新幾內亞或危地馬拉咖啡豆的那種咖啡店有點分別😏。煉奶放在桌面，落幾多由客人自行選擇。但是這一種咖啡的香氣，有點兒接近中東式masala tea那種茶香😏，難以用筆墨來形容。我認為這兒的滴漏咖啡，比起友人在越南買給我的手信更為美味🙄

一試難忘，我第一次出外食野食完要同老闆親口讚d野食好味，太浮誇我晤識寫，我食了生滾牛肉河，辣椒同青檸令上，令上？！有好多間晤理你就幫你放晒上去或無比都有！-^_^誠意！講返味道，小弟覺得好正！再飲過越南咖啡，拒真係搞貢多野放係你面前滴漏！一間小鋪味道同細節都好用心，誠意！價錢又經濟！

自從細個跟屋企人去北河街市政大廈頂樓食飯見過幾隻老鼠自遊行之後，一直對li度有陰影，多年後原來已經裝修過亦企理左，今日特登上黎食越南粉.生牛肉湯檬越南我只去過胡志明市, 食過超美味而價錢超值的越南pho, 據說每個city的pho各有特色, 不知芽莊是怎樣的？大大碗粉, 湯底好濃因爲通常用左好多材料餚了很長時間. 大圈洋葱吸收了湯底精華, 肥大芽菜當然少不了, 而主角生牛肉很易咀嚼, 好新鮮而不太肥膩, 要讚的是, 越南pho應有的辣椒粒和青檸粒不用request也會送上, 相比市面上的天價越南pho餐廳連最基本的青檸也沒提供, 這裡真要加分！整碗湯檬都好正！如果喜歡飲咖啡更不可錯過越南咖啡, 有無發現枱面沒有咖啡糖？因為越南咖啡混入煉奶的效果是超好飲的. 雖然地方不是坐得舒服, 但偶爾吃下正宗風味都不介意啦