Hard Rock Cafe (Closed)

點解揀呢間餐廳，純粹因為易 book 位，有時真係會有啲擔心佢會做到幾耐，次次林尾book即日都有位。Standard 美國餐，burger 同 steak 都食過了，今次試吓食魚囉。朋友嗌嘅扒，無啦啦有隻煎蛋好騎呢。除餐附送嘅沙律同埋周打魚湯我冇影相，周打魚湯有少少太稀，平時飲開嗰啲 creamy 好多。沙律就真係淨係生菜，同埋幾粒少得可憐嘅蕃茄碎。嚟到我嘅主菜，啲薯仔切粒點落啲蜜糖都幾好食，啲豆都幾好味，佢隻醬都不錯，魚嘅份量還可以，問題係好硬，美其名就彈牙，但其實好唔似魚既質地。 餐飲嗌咗熱檸水。總括嚟講，茶餐廳質數，中環價錢。