牧羊少年咖啡館 (雅蘭中心)

Open Now

Now Closed

咁啱撞到個朋友，跟住趁大家有時間就搵地方坐低食飯，見到朗豪坊好多人朋友就話不如過嚟雅蘭中心牧羊少年食飯，雖然係星期日，但係都只係等咗幾分鐘就有位。叫咗一個地中海無花果沙律配初榨欖油意式黑醋汁，3分鐘就已經有得食，速度真係好快，沙律味道可以，係黑醋可以多啲就更加好。之後都係要同佢攞多少少黑醋。另外，仲叫咗一個蒜香橄欖油鯷魚意大利粉，問咗佢哋話係用啲鯷魚加咗啲湯煮埋變成漿狀再同啲意粉一齊煮，所以食嗰陣時見唔到啲鯷魚，但係食到佢嘅味道，味道都幾好，呢個意大利粉都係沙律上咗嚟之後兩分鐘就到，速度真係超級快。之後同我哋清理枱面嘅速度都快，可能佢哋真係希望可以快啲轉枱，不過我見到其實都有好多空位，所以我諗應該都係管理方面要求佢哋咁樣做，亦都覺得冇乜嘢問題，下次都會嚟試吓其他嘢。