Video
Read full review
2018-07-12
266 views
同朋友gathering，黎試下超多好評既明記潮館每張台都放左個前菜，係乾魚仔同辣蘿蔔乾魚仔冇味既，辣蘿蔔幾辣，普通質素。埋單果陣先知原來要收$20，完全唔值見隔離台比返個前菜個侍應，如果要去試建議比返佢啦！total叫左五樣野，逐樣講下啦韭菜豬紅都幾大份，豬紅份量都算多，同埋碗底有大量韭菜。味道方面，算正常，豬紅調味唔會太鹹。質感適中，唔會厚實或者一夾就散。韭菜正常。不過，太油啦！睇相見到面頭浮住一層辣油，依家回憶返，係一啲都唔辣嫁！得個油字整體質素，普通！啫啫滑雞煲份量唔多，得零星幾件細件既雞件，仲要超多皮同骨，肉勁少所以完全試唔到雞滑唔滑，亦無味道可言配料方面，有五件以內既豬潤、冬菇同大量洋蔥。豬澗大片但唔厚身，唔算太老既煮得都冬菇夠淋，正常野同樣地，都係好油好似好大個煲，但可以食既野勁少，性價比超級無敵低，真係唔洗試「滷水鵝」$128鵝肉好多皮同脂肪，可以食到既瘦鵝肉得幾舊，份量唔多味道方面，唔算太入味，似就咁整熟隻鵝多啲碟底有花生同滷豆腐花生軟身，都算入味豆腐唔鬆散唔滑，冇咩味整體而言，有負所望，潮州菜必叫既菜式竟然味道一般最多兩星半「小炒皇」$108所謂小炒皇，就係炒韭菜花
前菜
$20
25 views
0 likes
0 comments
每張台都放左個前菜，係乾魚仔同辣蘿蔔
乾魚仔冇味既，辣蘿蔔幾辣，普通質素。
埋單果陣先知原來要收$20，完全唔值見隔離台比返個前菜個侍應，如果要去試建議比返佢啦！
total叫左五樣野，逐樣講下啦
韭菜豬紅
$68
24 views
0 likes
0 comments
韭菜豬紅都幾大份，豬紅份量都算多，同埋碗底有大量韭菜。
味道方面，算正常，豬紅調味唔會太鹹。
質感適中，唔會厚實或者一夾就散。
韭菜正常。
不過，太油啦！睇相見到面頭浮住一層辣油，依家回憶返，係一啲都唔辣嫁！得個油字
整體質素，普通！
啫啫滑雞煲
$108
29 views
0 likes
0 comments
啫啫滑雞煲份量唔多，得零星幾件細件既雞件，仲要超多皮同骨，肉勁少所以完全試唔到雞滑唔滑，亦無味道可言
配料方面，有五件以內既豬潤、冬菇同大量洋蔥。
豬澗大片但唔厚身，唔算太老既煮得都
冬菇夠淋，正常野
同樣地，都係好油
好似好大個煲，但可以食既野勁少，性價比超級無敵低，真係唔洗試
29 views
0 likes
0 comments
「滷水鵝」$128
鵝肉好多皮同脂肪，可以食到既瘦鵝肉得幾舊，份量唔多
味道方面，唔算太入味，似就咁整熟隻鵝多啲
碟底有花生同滷豆腐
花生軟身，都算入味
豆腐唔鬆散唔滑，冇咩味
整體而言，有負所望，潮州菜必叫既菜式竟然味道一般最多兩星半
「小炒皇」$108
所謂小炒皇，就係炒韭菜花。
有大量韭菜花、腰果、菜甫、白飯魚乾，可能仲有其他配料，但因為太細我發現唔到
腰果脆、菜甫爽、白飯魚乾鹹香
韭菜花加埋啲配料一齊食，味道唔差，幾惹味，口感都豐富
可惜，又係太油啦！
不過小炒皇係哩餐飯排第二位既菜式，可以接受既！比四星佢～
「蠔仔肉碎粥」$58細
全餐飯之冠
就算係細碗我地四個都每人分到一碗
蠔仔都幾多同算大粒。
味道帶少少腥，接受到既程度
蠔仔唔會煮得過老。
飯仲粒粒分明，唔厚又唔會過淋，適中。
個粥味道調得唔錯，唔太重口味。
整體而言，係無期望下都幾驚喜，可以一試。
其實，食物味道同我想像有出入，係失望既。
有幾樣食物性價比低、份量少、質素未如理想。
雖然一個人平均$150到，唔算太貴，但就哩個質素同份量黎講，唔值，食完唔滿足
同埋食食下牆上面有隻小強bb，真係⋯⋯
不過侍應服務態度幾好，會主動加茶，同笑笑口咁
會唔會再去？不了～
Post
