瀛豐放題料理專門店 (Moved) New Location

媽咪想食日本菜，爹D想食泰國菜，🤔咁都俾我唸到食中，日，泰放題✌🏻瀛豐有百多款多國美食，追加$138/位，仲可以無限食法國即開生蠔及珍寶帶子海膽刺身，而且仲有生啤放題🍻。超豪華刺身船真係好Ig-able，霸氣十足。甲殼類刺身有馬刀貝，北海道角螺，赤貝，冰山蚌，鮑片。其他海鮮刺身有珍寶赤蝦，八爪魚，三文魚，油甘魚，希靈魚，醬油吞拿魚。份量十足之餘，刺身厚切，貝殼類新鮮，仲有珍寶赤蝦勁大隻，蝦肉彈牙又鮮甜。Upgrade左任食生蠔🦪及帶子海膽刺身。生蠔唔係勁海水味，反而清清的，肉質creamy但咬口清爽，唔係太重金屬，海水味，係女仔鍾意嘅口味。帶子加甜甜嘅海膽，一啖入口勁滿足。泰式燒羊腩，冬陰功蝦湯，泰式燒帶子，泰式辣醬炒蜆全部都好有水準，特別係炒蜆，冇沙又辣醬勁惹味。和味一口牛，串燒雞，串燒雞腎，燒菠蘿🍍，每樣都送酒一流。甜品雪糕: 甜品係自家整甜品，不過不失。雪櫃有我勁鍾意嘅Melona。