Video
Read full review
2013-12-06
1721 views
如果，你係第一次食雞煲，我建議你唔好做以下動作：凳都未坐暖就懶醒咁拎住張火鍋紙喪剔-->懶有型咁舉手畀張嘢伙計點解？呢度哋方唔係話好大，如果你個日又咁好彩拎到張細枱呢，我真係除咗恭喜之外都唔知講乜嘢好喇！分分鐘你啲配料上齊個雞煲都未到？咪好似我哋咁，同啲配料一樣，生勾勾咁棟喺度囉！=}正確做法就係先叫咗個雞煲，差唔多食哂雞件先好入紙，相信咁樣就唔會搞到呢咁HEA喇。雞煲有分用冰鮮或新鮮雞，價錢差一百蚊到，呢啲就豐儉由人喇！今次試咗麻辣湯底冰鮮雞煲，雞件都算多，而且值得一讚嘅係冇雪味！麻辣味非常香，中辣湯底都唔會因為辣味蓋過哂其他嘢。不過略嫌中辣唔夠辣，返啅會叫大辣！唔食得辣嘅朋友唔洗擔心，有得揀清湯！由於我哋得4丁友，唔係叫到好多嘢，介紹住幾款先，其他留返大家自己試～1. 招牌蝦丸- 你睇佢個樣都知道足料，爽口彈牙，蝦味濃郁，絕對值得一試。2. 手切牛肉：牛肉味重，唔會好油好膩，堅正！（ “無圖你講乜都得架啦！”－不要問，只要吃！）3. 脆肉鯇：好新鮮，淥完又脆又甜，魚油極香，加埋麻辣夾到暈，大家都搶食！4. 黃沙豬潤：基本上冇腥味，唔霉已經令佢有好高分數。5. 羊片
凳都未坐暖就懶醒咁拎住張火鍋紙喪剔-->懶有型咁舉手畀張嘢伙計
點解？
呢度哋方唔係話好大，如果你個日又咁好彩拎到張細枱呢，我真係除咗恭喜之外都唔知講乜嘢好喇！
分分鐘你啲配料上齊個雞煲都未到？
咪好似我哋咁，同啲配料一樣，生勾勾咁棟喺度囉！=}
正確做法就係先叫咗個雞煲，差唔多食哂雞件先好入紙，相信咁樣就唔會搞到呢咁HEA喇。
雞煲有分用冰鮮或新鮮雞，價錢差一百蚊到，呢啲就豐儉由人喇！
今次試咗麻辣湯底冰鮮雞煲，雞件都算多，而且值得一讚嘅係冇雪味！麻辣味非常香，中辣湯底都唔會因為辣味蓋過哂其他嘢。不過略嫌中辣唔夠辣，返啅會叫大辣！唔食得辣嘅朋友唔洗擔心，有得揀清湯！
由於我哋得4丁友，唔係叫到好多嘢，介紹住幾款先，其他留返大家自己試～
1. 招牌蝦丸- 你睇佢個樣都知道足料，爽口彈牙，蝦味濃郁，絕對值得一試。[冇圖]
2. 手切牛肉：牛肉味重，唔會好油好膩，堅正！
（ “無圖你講乜都得架啦！”－不要問，只要吃！）
3. 脆肉鯇：好新鮮，淥完又脆又甜，魚油極香，加埋麻辣夾到暈，大家都搶食！
4. 黃沙豬潤：基本上冇腥味，唔霉已經令佢有好高分數。
5. 羊片：唔會搞到成煲膻味，記得同淥肥牛一樣，拖兩轉好食喇！否則會太老！
6. 豬天梯：爽口，冇異味，嚼頭十足！
7. 蝴蝶腩：坦白講，呢個唔得，太韌，直頭硬過我條命，完全咬唔開。
8. 蘿蔔(左)：建議一開波就扔落去索味，冇渣，好甜！9. 竹笙(右上): 吸咗個湯底的確係令刺激度大增，不妨一試！
10. 海帶(右下): 朋友話清熱，有正常腥味，食得腥嘅朋友先好叫。
其實寶寶雞煲嘅火鍋配料份量的確唔算多，
但我諗如果人少的話，食完雞件之後都會飽飽哋，咁樣都方便大家試唔同配料。
呢度招呼好好，就算爆忙伙計都冇黑面，讚！
另外，當晚幾乎每張枱都有叫絕對新鮮醉雞子，仲好快沽清。
淨係個名都夠霸氣，不得了！
我諗，下次我會試！
PS. 前幾篇都出現錯字，小弟讀書唔多，請包涵 =}
Post
