寶寶雞煲 (Moved) New Location

每月一度朋友仔飯局短聚又到喇，今次我揀左寶寶雞煲，記得新假期大讚，就黎試一試啦 ﹗係 openrice 網上訂左八點半，但我準時到步都要係門口等，依家九點都未有位比，搞錯呀 ﹗最討厭無緣無故被罰企，火都黎又等到頸渴，叫支啤酒降降火先得啦。朋友們都唔多好啤酒，都忍無可忍要呷返兩口，飲勝 ﹗罰企無野做，唯一娛來係背 menu。值得一讚款色真係非常多，包羅萬有、多姿多采 ﹗仲有好多特別又另類食材添，值得一試 ﹗不過價位都比較偏高，市區雞煲店黎講都差不多，最緊要好食。等位其間突然關安廸來電稱要放飛機，唔得閒黎，無所謂。原本五福星變左四天王，剩返盧珍妮、姫絲、李輸同我，唔能夠叫得太多食物喇，唔想浪費食唔晒。古法麻辣雞煲一隻，寶寶供應兩款麻辣雞，一款係古法、一款係招牌，先試古法啦 ﹗朋友們唔食得辣，唯有叫微辣啦，無緊要。試試味先，不幸地微辣只係麻辣湯溝水，一飲便知道，滾水味濃水汪汪，淡而無味，稀到不得了。最初本打算叫兩個煲，一個辣一個唔辣，最後發現張枱實在太細，無法容納到兩個爐，無奈。雞件係生料送到，要等慢慢煮喇，起碼等上十幾廿十分鐘。瞓醒開飯，雞味淡荗荗，質地微嫩滑，無作任何調味，可憐個湯底都好

上星期去到旺角，由於天氣開始轉涼，所以想食下雞煲，打下邊爐，所以就去旺角黑布街嘅"寶寶雞煲"晚膳。一黎就係雞煲，D雞肉勁硬，又辣可能想掩蓋D雪味，之後上左好多鍋料，都一般般，牛肉就太差，無肉味，次等貨，差，一定不回頭😤

終極中伏了!!!!!唔記得係邊個話要食呢間了~~~一世人只會食一次的.真係太差.用呢個價錢食.其實寶寶雞煲日頭係會做埋茶餐廳野食架.入到去鋪內，環境就係舊式茶餐廳咁囉，細同窄,仲要唔太乾淨囉.好啦要講下個雞煲啦,唔夠濃(d汁好希)，D 雞係冇味同鞋口，湯入面都幾多味精。要左個少辣。等左大概20分鐘左右，雞煲嚟到了。香氣就有，但望落去冇乜色水，汁有點多得滯，唔似平時食開既惹味雞煲,煮滾了先吃雞件，果然唔夠調味，辣味是有，但又唔甜又唔夠鹽。我真係唔like咁希,佢呢間係用湯稷食既~但係其他係用汁煮的.食物又普通又冇咩特別, 但價錢唔平.服務方面，D waiter 態度唔太好本人鍾意濃味少少既~如果食雞煲的話.呢間野最有特色應該就只係得個超大杯檸檬茶, $28元.(其實一品都係啦~不過就真係唔係間間都有既).我想再諗下呢間到有冇其他值得我寫既地方~~`但對唔住~~~真係冇咩比我再用時候寫落去囉.應該冇下次.............差得緊要...............總括嚟講，喺呢間有點大排檔feel既火鍋店吃淡味雞煲，價錢絕對唔經濟..........這間，去一次便夠，唔試唔知佢唔得嘛!!

琴晚一行人聚會, 約10人, 哥度地方好細, 只夠擺幾張枱, 好在有訂位.叫了鴛鴦鍋, 好大個.食物很普通, 但價錢唔平.牛肉唔光滑.最有特色應該就係個超大杯檸檬茶, $28元應該冇下次

半夜飲完酒想搵 D 野食，去左呢間寶寶雞煲。當時都十二點幾仲有好多客。由於同行有人唔食得辣，我地就叫左個唔辣雞煲，手切肥牛同幾款菜。個雞煲唔夠濃，D 雞係冇味同鞋口，湯入面都幾多味精。手切肥牛就幾好食，都夠花同唔太薄。另外叫左個冰豆腐，放左落煲吸收晒所有湯，如果個湯濃 D 舊豆腐就會超正。環境就一般啦，好似好舊咁，不過食雞煲都唔會要求靚環境。坐得都算舒服。服務方面，D waiter 態度唔太好，埋單個陣，我地明明飲左好多支都係三十幾蚊既 Asahi ，但佢就唔知有心定無意入左我地全部都係飲五十幾蚊既 1664。好在醒目睇下張單。

同男友行過寶寶雞煲，原來寶寶雞煲日頭係會做埋茶餐廳野食嘅，見到員工拎住個炸雞脾配薯條過隔離鋪，好金黃，好似好好味咁，就入左去食，入到去鋪內，環境一般，唔太乾淨，不過唔緊要，我入來既目的係炸雞脾，睇左menu一陣，原來雞脾tea set都要$36，都唔係好平，不過無所謂laaaa.男友原來都同我一樣，都係簡左雞脾餐，我唔想大家都食同一樣既野，就話：咦有咖喱喔原來，因為我知佢鐘意食咖喱，嘻嘻……落單，緊係叫左個雞脾餐先啦，點知，回覆係無喔，好唔開心，入來既原因係雞脾，點可以無架，店員叫左我地轉雞翼，都好啦….無咩想食，聽到後面枱都係想食雞脾，點知都係失望。雞翼餐來左，睇落都好好味咁，都好啦，食唔到雞脾，雞翼都好啦，食落去無想象中咁好食，唔太有味，唔夠脆皮，薯條更加係敗筆，好難食，想象唔到，薯條咁簡單既製作，都可以咁難食，咬落去有苦味，好多油，差劣，人生都未食過咁難食既薯條。到咗男朋友既咖喱啦….佢一直認為茶餐廳咖喱牛腩，難食極有譜，點知佢食左第一啖，死得，佢話好難食，咖喱應該係有咖喱味架嘛，可惜係淡到完全無味，好唔得囉，俾起自已係屋企開咖喱仲差得多，簡直係，你同我唔識煮野食，都戰勝入面個廚

昨天心血來潮想吃火鍋方榮記又遠得濟所以隨便找找便找到了寶寶因為不太想吃辣, 所以點了白果豬肚湯底不知為什麼, 湯底等了十幾分鐘才來上台時試了一口, 淡如白開水的老實說是有點失望的跟住就開始點打火鍋既食物1. 水餃 – 一份只有3粒, 很鮮味, 高度推介2. 竹笙 – 吸湯底的神物, 建議最後先食3. 吊片 – 完全把湯底起死回生的食物, 有了它湯底才變得多小一點味道4. 芝士魚丸- 如喜歡食芝士既朋友, 可以考慮一下5. 白菜仔- 洗得好干淨, 分量也算OK6. 釀豆卜- 可以不試可能平時食慣既係濃味的湯底, 所以對於今次甘淡既湯底係有點失望的不過食到最後, 當打完曬所有食物及再沒有加湯情況下, 湯底才變得有味應該唔會有下次, 但可以讚既係, 火鍋食物出色, 只是敗在湯底另外不建議太家坐門口, 因為店員有事無事都會成日去開門令到店內既氣溫更加高

是夜舊同學們相約吃飯，他們的老毛病是不到最後一刻也不確認時間地點，對於我這個任何事也有長遠計劃藍圖的人來說，實在是一種無形的煎熬幸好這次他們找來一家不錯的火鍋店，令這次的聚會變得圓滿呢店家馳名油尖旺的麻辣雞堡，麻辣湯底是整煲的重點，辣味徹底滲入了嫩滑的雞肉，惹味指數滿分。而份量對於四人來說剛剛好，性價比十足。特大號咸檸七，足夠二人的份量實在驚人，咸而不酸的咸檸七配上雞煲，味道實在令人感動值得一試的餐廳！！！

咋晚一大班人去旺角食宝宝鸡，唯一可取系食材新鲜，要柸茶也要加4元，這老闆識賺錢，放入湯，幾分鐘，好味牛肉，比較薄身生蠔吾夠大隻，但也鲜甜，整体個煲太厚身，d湯吾夠熱，需要d時間，同每次要企起身夾野

有同事生日，天氣寒冷，食火煱最暖心，去任食但知食物質素差，想揾一間好火煱，朋友推介宝宝火煱。未試下lo牛肉@肥牛肉質好味，鲜味，好大碟，埤酒@好好味，無乜酒味，容易入口生蠔@味道鲜甜，味道令人回味韮菜餃@好多韮菜，香味濃郁地方較為劑迫，但員工反應快，很好，'不過價錢較貴

朋友剛剛搬到旺角區，还未吃過這間寶寶雞煲，於是我們一行三人，到這裡晚飯。到來的時間大約是九時多，人不太多，這裏是分左右兩間店舖，我們坐在這邊叫做茶餐廳的位置，環境已經極道不舒服。。。先說雞煲，味道不夠濃，只有雪味，雞肉的分量極少， 味道極差。 味道不用多提，冇味而已。。。其他配料例如牛肉，份量極少，但需要二百多元， 說是手切肥牛但實際上有不是手切。。。 廣島蠔，上枱的時候是由冰箱拿出來的，硬得像石頭。 可否加多點誠意，先進行解凍？？？其他譜火鍋配料，價錢貴，份量少。 三個人，埋單九百多元，其實不是價錢問題，只要味道好，沒有什麼所謂，但這裡的味道實在太差了，請我也不再吃。。。

「為口奔馳」這麼多年，都因為一個懶字從未寫過食評，今天心血來潮，破例寫第一篇😆餐廳太多、人生太短，小妹向來不會再光顧已嘗試的餐廳。多年前曾嘗試太子分店，印象非常不錯，六時多經過這分店還有很多位，又忽然想吃雞煲，就翻兜吧！可惜，香辣雞煲比印象差太太太遠，味道很淡，懷疑上次試的是麻辣，小妹和友人始終喜歡重口味雞煲。後來鄰桌亦向店員投訴雞煲味淡，要求加＄換麻辣，看來不只是我們的問題。湯底味淡如加了一丁點辣油的清湯，雞肉以雞胸佔多數，後悔莫及，唯有安慰自己吃的是普通火鍋，期待火鍋配料會有突破，例牌萵荀份量少得可憐，鯇魚片夠脆味道還可以，萬料不到全晩亮點是牛肉粒，油花均勻，肉味豐腴，友人喜歡其有嚼頭。後來因為湯汁越來越濃縮，由小辣變大辣，我投降了。後記，吃罷整晚都非常口喝，因為師傅下多了？那麼為什麼雞煲郤淡然無味？不解😰

出色的雞煲有一套標準，最關鍵是雞和醬汁，雞首選新鮮的，取其雞味夠濃，肉質要有彈性，烹煮時間掌握得要好。寶寶雞煲合乎我的要求，雞新鮮又嫩滑，濃濃醬汁剛剛好，帶點微辣，有洋蔥香味，每一口雞肉都是入味的!鮮甜帶子及肥美生蠔大隻又新鮮!最後配上手切牛，牛肉味重，肥瘦適中，放在濃濃湯底上，4秒後立即品嚐，好好味!

收左工,三個肥佬去食鷄煲打邊爐,第二次去旺角呢間寶寶鷄煲,好彩打電話BOOK左位,星期三都坐得幾滿先叫左個鷄煲,有麻辣同香辣兩種,因為有兩個肥佬唔多辣得,所以叫左個香辣鷄煲,仲專登叫佢微辣!除左鷄煲佢地仲有田鷄煲香辣鷄煲基本上味道幾好,咸淡適中,D鷄幾滑食完鷄煲,每人叫左杯巨無霸檸茶,真係好"巨",有相為證!打邊爐加大凍檸茶,正!唔飲檸茶,一樣SIZE既啤酒都得!之後叫左幾碟野打邊爐,先黎可以即食既炸魚皮,百花釀油炸鬼同埋炸響鈴自己比較鐘意百花釀油炸鬼同埋炸響鈴,上枱時仲熱辣辣~立即夾左塊放落口,外脆內軟,口感味道都一流, 之後又夾左舊放落湯底浸一浸,一定要即刻夾番起,咁就又脆又Juicy!另一推介係"豬天梯",其實係豬既氣管,聽起上黎有D核突,不過食落真係唔錯,佢唔似其他豬內臟一Pat一Pat,又唔似一般豬肉,食起上黎非常爽口,充滿骨膠原,十分適合貪靚女士~最後一個想推介既,係佢既手打蝦丸~佢用料十足, 絕對係我食個最彈牙既蝦丸,學星爺話齋,真係攞黎當乒乓波打都得~仲有一D其他餸好似肥牛,羊肉同蔬菜就一般,埋單每位二百幾,抵唔抵食就見仁見智,不過打邊爐至在開心,呢間寶寶鷄煲服務唔錯,

今晚口淡淡涼涼地又想揾雞煲打邊爐食,原本想去另一間再食雞煲,但見太多人排就去了附近呢間寶寶雞煲度食.等左一陣就有張3人枱俾我地二人坐低,地方唔大有d迫,但枱面仍算大可放到多款火鍋料.先叫個半隻雞煲試下,再叫雪花手切肥牛($138)兩份,廣島蠔,聖子四隻,蝦丸,墨丸,唐生菜.雞煲肉質及湯底味道麻麻,雪花手切肥牛肉質唔錯,廣島蠔ok,聖子好新鮮又大隻,但洗得唔乾淨有沙石,蝦丸,墨丸好彈牙好味道,整體都唔錯!