無敵家

Open Now

Now Closed

兩個人去上環食晚飯，發現一間隱世日本餐廳，首先叫咗小食一串「厚切牛舌串燒」，頭先好軟滑，即叫即燒，製作得非常好，做到外脆內軟，好香牛嘅味道，極之推介。另外叫咗「花魚一夜干」，亦都係即叫即做，熱辣辣，燒過嘅魚肉好香，但魚肉仍然保留肉汁，好鮮味。之後嚟一個「安格斯牛肉壽喜鍋」，原來係紙火鍋，第一次試覺得好特別，竟然用只可以裝住湯汁同埋配料，張紙燒好耐都唔會用溶，本來都驚啲湯汁會滾瀉，原來啲湯汁一路揮發，牛肉煮完好入味，睇住過火，啱啱好一煮熟就即刻食，牛肉非常香滑，好新鮮，無筋，好易入口。煮食揀咗一碗「叉燒拉麵」同埋一碗「豬軟骨拉麵」，湯底好香濃，拉麵質感好好。總結，食完一餐好豐富好滿足，下次會再來光顧。