Fun Fun 串串鍋 (Closed)

串串可以打邊爐真係一個新奇既食法，而座落旺角百寶利商業中心5樓既串串鍋就可以有咁既食法。雖然佢係大廈既水牌宣傳唔夠明顯，但上到5樓一出門就有大大既招牌，所以都唔難搵。串串鍋嘅湯底類別都唔小，有重慶麻辣湯鍋、胡椒魚肚湯、韓式部隊鍋、海底椰雞煲、沙嗲湯同壽喜燒。我就簡左胡椒魚肚湯同海底椰雞煲，可以懷念一下北上食椰子雞既感覺。串串鍋係120分鐘任食任飲，一般食物牛肉、煙肉、鴨胸、魚塊、雞翼、雞腎、餐肉、丸類、餃子、豆製品和新鮮蔬菜都可以選擇。而且仲可以另外劃紙叫肥牛同腩片，滿足唔同口味既人，而且雪糕都係任食，真係食極都唔夠，鐘意試下特別野既朋友可以黎試下。