百味香串燒專門店 (Closed)

忽然想食百味香串燒，搭搭下輕鐵落左車排隊買黎食😂百味香主要串燒有3款，包括雞，豬同豬頸肉，以前我最愛食雞串，但大過後反而鐘意食豬頸肉，我梗係買哂3款。就算不斷燒好多，都唔夠排隊既人買，所以要啲時間等。加左1蚊價，而家通通都要11蚊串。雞串肉豐厚汁多，而且都幾嫩滑，同區既雞串冇燒得咁靚咁好味，當然佢既沙嗲辣汁亦係賣點。豬串燒得over左少少，比平時食開乾身少少，好彩仲保留住豬肉香味，唔係就會失望而回。豬頸肉保持一貫水準爽滑彈牙，香甜程度尤如食緊蜜汁叉燒，仲有成5塊咁多添。