喜膳燒

Open Now

Now Closed

香港地道人都會知道，同玩大冒險一樣，往往係小鋪會搵到驚喜。我今日同朋友喺尖沙咀搵食就係咁！喺寶勒巷，偶爾經過呢間串燒餐廳，行到攰攰地又見人少少，就入去give it a try。未入到去就比門口嗰個Draft beer吸引！食串燒都唔洗怕熱氣。一入到去，店員都好親切，立即上前serve 我哋。店舖裝潢都好有心思，都幾似去咗日本街頭串燒小食檔！對於冇肉不歡嘅我，好快就點左唔同嘅肉類，包括燒山賊雞翼，燒殼飼三層肉，霜降和牛串，燒安格斯肉眼串。一落order，後面師傅已經即刻開工。佢哋都好好人，唔介意我哋兩個喺度睇下佢哋燒嘢食。有一個細節好鍾意：師傅每次燒完食材，都會先用括將碎屑括走。非常細心！當你見到喺燒烤枱上面咁多支唔同款調味粉，就知佢哋對於食物質素幾有堅持！好彩身邊有位稍為健康的朋友，堅持點左一啲菜尼食埋。真係樣樣都好好食。特別欣賞兆京蔥，同埋燒韭菜，真係好好食！食一輪夠哂熱氣，然後飲啖啤酒！爽啊！不可不提，佢哋提供嘅馬來西亞大蜆同埋蒜蓉扇貝，真係唔單止份量足，而且燒得夠晒熟又唔會過龍，非常鮮味！回頭率甚高！期待下次再來！