串燒燒烤專門店 (Closed)

是次約友人入了山林道後巷食串燒，都有點驚喜。店稱:「燒烤法混合日本及四川的方法即製串燒。」大家都知道日本人對食材用料十分講究,要新鮮不在講,賣相都十分重要,而四川人對食的要求就較著重調味料,每個四川師父都有自己的一套的調味食譜。今次日本CrossOver四川,真有另一番風味。一入坐就見到枱上為客人提供不同的自家制調味粉,有黑椒碎,孜然粉及米椒辣粉,讓客人可以自由配搭。不過只有試到孜然粉,配肉類非常惹味 泰式生蝦, 唸唔到呢度都有得食,蝦都幾鮮,泰式醬又夠辣,好味, 不過如果鮮蝦可以再凍啲就Perfect 啦!汁燒雞泡魚乾($52) ,本人好少食雞泡魚乾,味道有啲似燒魷魚,但比燒魷魚乾軟熟及香甜,而且唔會黐牙。唔錯。  黃金蒜蓉燒日本廣島蠔($68/3隻),我食的一隻蠔都算大隻,肥美鮮甜,蒜蓉燒得好香,好夾。四川麻辣香燒雞翼($32/2隻),雞翼超爆辣,非一般人可以接受,好辣之人不妨挑戰一下。推介這個脆燒雞皮卷10吋虎蝦($138一隻),雞皮燒得十分爽脆,香口,虎蝦好大隻,蝦味濃郁。食串燒,冰凍的王老吉($17)一定不可少。