吉勝吉列串揚專門店

Open Now

Now Closed

假日去大角咀搵美食，揀咗呢間居酒屋入去食午餐，店內裝修有日本風格，環境舒適，店員又nice頭盤先呢碟季節限定嘅 [ 原條秋刀魚刺身 $148 ] 真係第一次食，仲要砌得好靚，又𠝹哂花，味道係鮮甜肥美午市定食就叫咗兩份，包括有兩碗麵豉湯及兩碗沙律菜，一份係 [ 牛肉湯烏冬 $78 ] 濃郁湯底，牛肉片份量多，而且肉質細嫩，烏冬口感煙韌彈牙，再飲埋個湯底更暖笠笠另一份定食係炸到金黃色 [ 吉列豬扒定食 - 熊本 $98 ] 又厚實又大塊，咬落口感酥脆，有肉汁有咬口，伴椰菜絲可落胡麻醬一齊食，仲有碗白飯，另外可以磨細碗內嘅芝麻，再加入吉列醬店舖嘅串揚較出名，再配埋秘製醬汁， 即叫即炸，炸到每串都脆卜卜，熱辣辣，一共叫咗2串肉及2串菜，有 [ 免治雞肉 $18 ] 用咗日本南部雞整嘅雞肉串，嫩滑好味、[ 黑豚肉蘆筍 $24 ] 黑豚肉又香嫩滑，蘆筍爽口，咬落爆汁、[ 秋葵 $12 ] 及 [ 雞脾菇 $12 ] 清甜好味，咬落juicy外層香脆，脹卜卜嘅 [ 芝士年糕 $32 ] 內裡熱辣辣，中間位置係流心芝士，最頂仲放有芝士，煙煙韌韌超好食吉勝吉列串揚專門店大角咀大全街48號大同新邨大榮樓地